“وربۇلاق شايقاسىنداعى” اتا-بابا ەرلىگى ەش ۇمىتىلماس. ەسىم حان تۇسىندا قالماقتارمەن بولعان سوعىستاردا (1620-1638 جىلدارى) جيەمبەت باستاعان باتىرلار ۇلكەن جەڭىسكە جەتەدى. تاريحىمىزدان بەلگىلى, ەسىم حاننىڭ اسكەر باسشىسى, سازگەر-جىرشى جيەمبەت بىرتوعاش ۇلى وسى سوعىستا ەرەن ەرلىك كورسەتكەن. قولداعى بار دەرەكتەرگە جۇگىنسەك, قاراساي باتىر قولعا ءتۇسىپ قالعاندا جيەمبەت پەن الاتاۋ باتىرلار ونى اسقان ەرلىكپەن قۇتقارعان كورىنەدى. مىنە, سول تاريحي تۇلعا – جيەمبەت جىراۋ ەسىمىمەن استانانىڭ ەكونوميكالىق ايماعىندا ءبىر كوشە اتالاتىن بولدى. استانا كوشەسىنە جيەمبەت ەسىمىنىڭ بۇيىرۋىنا قالالىق ءتىل قوعامى مەن قالالىق ءماسليحاتتىڭ دەپۋتاتتارى مۇرىندىق بولدى.
تابىل ق ۇلىياس.