2010 جىلعى 19 شىلدە استانا, ۇكىمەت ءۇيى
دارىلىك زاتتاردى, مەديتسينالىق ماقساتتاعى بۇيىمداردى جانە مەديتسينالىق تەحنيكانى توتەنشە جاعدايلاردى جويۋعا قاتىسۋ ءۇشىن قازاقستان رەسپۋبليكاسىنىڭ اۋماعىنان كەتەتىن مەديتسينالىق جانە اۆاريالىق-قۇتقارۋ ۇيىمدارى مەن قۇرالىمدارىنىڭ ماتەريالدىق-تەحنيكالىق قۇرالدارىنىڭ قۇرامىندا قازاقستان رەسپۋبليكاسىنىڭ اۋماعىنان اكەتۋ ەرەجەسىن بەكىتۋ تۋرالى
“حالىق دەنساۋلىعى جانە دەنساۋلىق ساقتاۋ جۇيەسى تۋرالى” قازاقستان رەسپۋبليكاسىنىڭ 2009 جىلعى 18 قىركۇيەكتەگى كودەكسىنىڭ 81-بابىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:
1. قوسا بەرىلىپ وتىرعان دارىلىك زاتتاردى, مەديتسينالىق ماقساتتاعى بۇيىمداردى جانە مەديتسينالىق تەحنيكانى توتەنشە جاعدايلاردى جويۋعا قاتىسۋ ءۇشىن قازاقستان رەسپۋبليكاسىنىڭ اۋماعىنان كەتەتىن مەديتسينالىق جانە اۆاريالىق-قۇتقارۋ ۇيىمدارى مەن قۇرالىمدارىنىڭ ماتەريالدىق-تەحنيكالىق قۇرالدارىنىڭ قۇرامىندا قازاقستان رەسپۋبليكاسىنىڭ اۋماعىنان اكەتۋ ەرەجەسى بەكىتىلسىن.
2. وسى قاۋلى العاش رەت رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ.
___________________________________________________________
قازاقستان رەسپۋبليكاسى ۇكىمەتىنىڭ 2010جىلعى “19” شىلدەدەگى № 735 قاۋلىسىمەن بەكىتىلگەن
دارىلىك زاتتاردى, مەديتسينالىق ماقساتتاعى بۇيىمداردى جانە مەديتسينالىق تەحنيكانى توتەنشە جاعدايلاردى جويۋعا قاتىسۋ ءۇشىن قازاقستان رەسپۋبليكاسىنىڭ اۋماعىنان كەتەتىن مەديتسينالىق جانە اۆاريالىق-قۇتقارۋ ۇيىمدارى مەن قۇرالىمدارىنىڭ ماتەريالدىق-تەحنيكالىق قۇرالدارىنىڭ قۇرامىندا قازاقستان رەسپۋبليكاسىنىڭ اۋماعىنان اكەتۋ ەرەجەسى
1. جالپى ەرەجەلەر
1. وسى دارىلىك زاتتاردى, مەديتسينالىق ماقساتتاعى بۇيىمداردى جانە مەديتسينالىق تەحنيكانى توتەنشە جاعدايلاردى جويۋعا قاتىسۋ ءۇشىن قازاقستان رەسپۋبليكاسىنىڭ اۋماعىنان كەتەتىن مەديتسينالىق جانە اۆاريالىق-قۇتقارۋ ۇيىمدارى مەن قۇرالىمدارىنىڭ ماتەريالدىق-تەحنيكالىق قۇرالدارىنىڭ قۇرامىندا قازاقستان رەسپۋبليكاسىنىڭ اۋماعىنان اكەتۋ ەرەجەلەرى (بۇدان ءارى – ەرەجە) دارىلىك زاتتاردى, مەديتسينالىق ماقساتتاعى بۇيىمداردى جانە مەديتسينالىق تەحنيكانى توتەنشە جاعدايلاردى جويۋعا قاتىسۋ ءۇشىن قازاقستان رەسپۋبليكاسىنىڭ اۋماعىنان كەتەتىن مەديتسينالىق جانە اۆاريالىق-قۇتقارۋ ۇيىمدارى مەن قۇرالىمدارىنىڭ ماتەريالدىق-تەحنيكالىق قۇرالدارىنىڭ قۇرامىندا قازاقستان رەسپۋبليكاسىنىڭ اۋماعىنان اكەتۋ ءتارتىبىن ايقىندايدى.
2. وسى ەرەجەنىڭ قولدانىلۋى توتەنشە جاعدايلاردى جويۋعا قاتىسۋ ءۇشىن دارىلىك زاتتاردى, مەديتسينالىق ماقساتتاعى بۇيىمدار مەن مەديتسينالىق تەحنيكانى قازاقستان رەسپۋبليكاسىنىڭ اۋماعىنان اكەتۋدى جۇزەگە اسىراتىن مەديتسينالىق جانە اۆاريالىق-قۇتقارۋ ۇيىمدارى مەن قۇرالىمدارىنا (بۇدان ءارى – ۇيىمدار) تارالادى.
2. دەرىلىك زاتتاردى, مەديتسينالىق ماقساتتاعى بۇيىمداردى, مەديتسينالىق تەحنيكانى اكەتۋ ءتارتىبى
3. قازاقستان رەسپۋبليكاسىنىڭ اۋماعىنان تىس جەردەگى توتەنشە جاعدايلار كەزىندە شۇعىل مەديتسينالىق كومەك كورسەتۋگە ارنالعان دارىلىك زاتتاردى, مەديتسينالىق ماقساتتاعى بۇيىمداردى جانە مەديتسينالىق تەحنيكانى اكەتۋدى دەنساۋلىق ساقتاۋ سالاسىنداعى ۋاكىلەتتى ورگان جۇزەگە اسىرادى.
دەنساۋلىق ساقتاۋ سالاسىنداعى ۋاكىلەتتى ورگان ۇيىمنىڭ ءوتىنىشى تۇسكەن كۇننەن باستاپ ءبىر جۇمىس كۇنى ىشىندە اكەتۋگە كەلىسىم بەرەدى نە دالەلدى تۇردە باس تارتادى.
4. دارىلىك زاتتار, مەديتسينالىق ماقساتتاعى بۇيىمدار, مەديتسينالىق تەحنيكا قازاقستان رەسپۋبليكاسىندا مەملەكەتتىك تىركەلمەگەن جانە فارماتسەۆتيكالىق نەمەسە مەديتسينالىق قىزمەتپەن اينالىسۋعا ليتسەنزيا بولماعان جاگدايدا اكەتۋگە كەلىسىم جانە رۇقسات بەرۋدەن باس تارتىلۋى مۇمكىن.
5. قازاقستان رەسپۋبليكاسىنىڭ اۋماعىنان دارىلىك زاتتاردى, مەديتسينالىق ماقساتتاعى بۇيىمداردى, مەديتسينالىق تەحنيكانى اكەتۋگە كەلىسىمدى رەسىمدەۋ ءۇشىن ۇيىمدار دەنساۋلىق ساقتاۋ سالاسىنداعى ۋاكىلەتتى ورگانعا مىناداي قۇجاتتاردى ۇسىنادى:
دەنساۋلىق ساقتاۋ سالاسىنداعى قولدانىستاعى زاڭناماعا سايكەس قاعاز جانە ەلەكتروندى تاسىعىشتاردا دارىلىك زاتتاردى, مەديتسينالىق ماقساتتاعى بۇيىمداردى, مەديتسينالىق تەحنيكانى اكەتۋگە رۇقسات بەرۋگە ءوتىنىش;
فارماتسەۆتيكالىق نەمەسە مەديتسينالىق قىزمەتپەن اينالىسۋعا ليتسەنزيانىڭ كوشىرمەسى;
قازاقستان رەسپۋبليكاسى توتەنشە جاعدايلار مينيسترلىگىنىڭ ەكەتىلەتىن دارىلىك زاتتاردىڭ, مەديتسينالىق ماقساتتاعى بۇيىمداردىڭ, مەديتسينالىق تەحنيكانىڭ نىسانالى ماقساتى تۋرالى حاتى.
6. قازاقستان رەسپۋبليكاسىنىڭ اۋماعىنان تىس جەردەگى توتەنشە جاعدايلار كەزىندە شۇعىل مەديتسينالىق كومەك كورسەتۋگە ارنالعان, قۇرامىندا ەسىرتكى قۇرالدارى, پسيحوتروپتىق زاتتار مەن پرەكۋرسورلار بار دارىلىك زاتتاردى اكەتۋ ەسىرتكى قۇرالدارى, پسيحوتروپتىق زاتتار مەن پرەكۋرسورلار اينالىمى سالاسىنداعى ۋاكىلەتتى مەملەكەتتىك ورگان (بۇدان ءارى – ۋاكىلەتتى ورگان) بەرەتىن ەسىرتكى قۇرالدارىن, پسيحوتروپتىق زاتتار مەن پرەكۋرسورلاردى اكەتۋگە رۇقساتى بولعان جاعدايدا جۇزەگە اسىرىلادى.
7. ۋاكىلەتتى ورگان ۇيىمنىڭ ءوتىنىشى تۇسكەن كۇننەن باستاپ ءبىر جۇمىس كۇنى ىشىندە قۇرامىندا ەسىرتكى قۇرالدارى, پسيحوتروپتىق زاتتار مەن پرەكۋرسورلار بار دارىلىك زاتتاردى اكەتۋگە جازباشا رۇقسات بەرەدى نە وسى ەرەجەنىڭ 4-تارماعىندا كوزدەلگەن جاعدايلاردا دالەلدى تۇردە باس تارتادى.
8. كومەك كورسەتۋگە ارنالعان, قۇرامىندا ەسىرتكى قۇرالدارى, پسيحوتروپتىق زاتتار مەن پرەكۋرسورلار بار دارىلىك زاتتاردى اكەتۋدى جۇزەگە اسىراتىن ۇيىمدار اكەتۋگە رۇقسات الۋ ءۇشىن ۋاكىلەتتى ورگانعا مىناداي قۇجاتتاردى ۇسىنادى:
قاعاز جانە ەلەكتروندىق تاسىعىشتاردا قۇرامىندا ەسىرتكى قۇرالدارى, پسيحوتروپتىق زاتتار مەن پرەكۋرسورلار بار دارىلىك زاتتاردى اكەتۋگە رۇقسات بەرۋگە ءوتىنىش;
ەسىرتكى قۇرالدارى, پسيحوتروپتىق زاتتار مەن پرەكۋرسورلار اينالىمىنا بايلانىستى قىزمەتتى جۇزەگە اسىرۋعا ليتسەنزيانىڭ كوشىرمەسى;
قازاقستان رەسپۋبليكاسى توتەنشە جاعدايلار مينيسترلىگىنىڭ قۇرامىندا ەسىرتكى قۇرالدارى, پسيحوتروپتىق زاتتار, پرەكۋرسورلار بار اكەتىلەتىن دارىلىك زاتتاردىڭ نىسىنالى ماقساتى تۋرالى حاتى.
9. كومەك كورسەتۋگە ارنالعان, قۇرامىندا ەسىرتكى قۇرالدارى, پسيحوتروپتىق زاتتار مەن پرەكۋرسورلار بار دارىلىك زاتتاردى اكەتۋدى جۇزەگە اسىراتىن ۇيىمدار قازاقستان رەسپۋبليكاسىنىڭ زاڭناماسىنا سايكەس ولاردى ەسەپكە الۋ مەن كۇزەتۋدى قامتاماسىز ەتەدى.
10. كومەك كورسەتۋگە ارنالعان قۇرامىندا ەسىرتكى قۇرالدارى, پسيحوتروپتىق زاتتار مەن پرەكۋرسورلار بار دارىلىك زاتتاردى اكەتۋدى جۇزەگە اسىراتىن ۇيىم باسشىسى ءوزىنىڭ بۇيرىعىمەن زاڭنامادا بەلگىلەنگەن تارتىپپەن ەسىرتكى قۇرالدارىمەن جانە پسيحوتروپتىق زاتتارمەن جۇمىس ىستەۋگە جىبەرىلگەن, ولاردىڭ جەتكىزىلۋىنە, ەسەپكە الىنۋىنا, ساقتالۋى مەن توتەنشە جاعدايلار اۋدانىندا زارداپ شەككەندەرگە شۇعىل مەديتسينالىق كومەك كورسەتۋ ءۇشىن پايدالانىلۋىنا جاۋاپتى تۇلعالاردى تاعايىندايدى.
قۇرامىندا ەسىرتكى قۇرالدارى, پسيحوتروپتىق زاتتار مەن پرەكۋرسورلار بار دارىلىك زاتتارعا رۇقساتتى ناشاقورلىق, ۋىتقۇمارلىق, سوزىلمالى ماسكۇنەمدىك اۋرۋلارىنىڭ جوقتىعى تۋرالى پسيحياتر مەن ناركولوگ دارىگەرلەردىڭ, سونداي-اق ولاردىڭ اراسىندا جوعارى قاۋىپتى كوزبەن بايلانىستى كاسىبي قىزمەتتىڭ جەكە تۇرلەرىن ورىنداۋعا جارامسىز بولىپ تانىلعان تۇلعالاردىڭ جوق ەكەندىگى تۋرالى قورىتىندىسى بار تۇلعالار عانا الا الادى.
11. زارداپ شەككەندەرگە كومەك كورسەتۋ ءۇشىن پايدالانىلاتىن قۇرامىندا ەسىرتكى قۇرالدارى, پسيحوتروپتىق زاتتار مەن پرەكۋرسورلار بار دارىلىك زاتتار ەسەپكە الىنىپ, ارنايى بولىنگەن ورىندا جانە باسقا دارىلىك زاتتاردان بولەك جەردە سەيفتە ساقتالادى.
قۇرامىندا ەسىرتكى قۇرالدارى, پسيحوتروپتىق زاتتار مەن پرەكۋرسورلار بار دارىلىك زاتتاردى ەسەپكە الۋ نومىرلەنگەن, تىگىلگەن, ۇيىم مەن قازاقستان رەسپۋبليكاسى دەنساۋلىق ساقتاۋ مينيسترلىگىنىڭ مەديتسينالىق جانە فارماتسەۆتيكالىق قىزمەتتى باقىلاۋ كوميتەتىنىڭ مورلەرىمەن جانە قولدارىمەن بەكىتىلگەن ارنايى جۋرنالعا تىركەۋ ارقىلى جۇزەگە اسىرىلادى. ەسەپكە الۋ جۋرنالى ءبىر جىل مەرزىمگە باستالادى دا, ونداعى سوڭعى جازبا جازىلعان كۇننەن باستاپ بەس جىل ىشىندە ساقتالادى.
12. دارىلىك زاتتاردى اكەتۋگە رۇقسات بەرۋدەن باس تارتۋعا سوت تارتىبىمەن شاعىمدالۋى مۇمكىن.