ماڭگىلىك ەل قۇندىلىقتارى

تاۋەلسىزدىكتىڭ ەلەڭ-الا­ڭىن­دا قانداي ەدىك؟ زاۋىت-فاب­ري­كالار جۇمىسىن توقتاتىپ, جۇ­مىسشىلار سەندەلىپ كەتتى. جالاقى دا, زەينەتاقى مەن بالالار ءجار­دەم­اقىسى ايلاپ قولعا تيمەدى. قازىر سونىڭ ءبارى كورگەن تۇستەي وتە شىقتى. تاۋەلسىزدىك ەلىمىزدىڭ قارقىندى وركەندەۋىنە سەرپىن بەردى. قازاقستاندى الەم ەلدەرى تانىدى. قازاقستانعا الەم ەلدەرىنىڭ نازارى اۋدى. الەمنىڭ بارشا ەلىمەن ىسكەرلىك, ارىپتەستىك بايلانىس ورنىقتى. ەلىمىزگە ينۆەستيتسيا سالۋعا ۇمتىلعان ەلدەر قاتارى, شەتەلدىك كومپانيالار كوبەيدى. ءوز جاستارىمىزدىڭ شەتەلدىك ماماندارمەن باسەكەلەستىك دەڭگەيى ارتتى. ەلىمىزدىڭ ەكسپورتتىق الەۋەتى كوتەرىلدى. ارينە, مۇنىڭ ءبارى ءبىر مەزەتتە ىسكە اسا قويعان جوق. بۇعان ەلباسى نۇرسۇلتان نازارباەۆتىڭ قازاقستاندى قۋاتتى مەملەكەتكە اينالدىرۋ يدەياسىنىڭ ومىرشەڭدىگى وڭ ىقپالىن تيگىزىپ وتىر. ەندى الدىمىزدا ۇلكەن ماقسات تۇر. ول – قازاقستاندى ەڭ دامىعان 30 ەلدىڭ قاتارىنا ەنگىزۋ. بۇل ءۇشىن وتاندىق ەكونوميكانى جان-جاقتى وركەندەتىپ عانا قويماي, كەلەشەكتە قۋاتتى ءارى ماڭگىلىك مەملەكەتكە اينالدىرۋدى ىسكە اسىرۋىمىز قاجەت. وسى ورايدا, ەلباسى نۇرسۇلتان نازارباەۆ ۇسىنعان ناقتى 100 قادامنىڭ ماڭىزدىلىعىن بارشاعا كەڭىنەن ناسيحاتتاۋ قاجەتتىگى تۋىندايدى. ويتكەنى, ناقتى 100 قادامنىڭ ارقايسىسىنا زەر سالار بولساق, بۇل قۇجاتتى تاۋەلسىز قازاقستانىمىزدى الەمدەگى كوشباسشى ەلگە اينالدىرۋ ماق­ساتىن كوزدەيتىن كەشەندى سترا­تەگيا دەۋگە ابدەن بولادى. سونىڭ ءبىرى – 89-شى قادام. مۇندا «نۇر­لى بولاشاق» ۇلت­تىق جوباسىن ازىرلەۋ جانە جۇزەگە اسىرۋ. مەكتەپتىك ءبىلىم بەرۋ­دىڭ قول­دانىستاعى وقۋ باعدار­لا­ما­لارى­نا ماڭگىلىك ەل قۇن­دىلىق­تارىن ەنگىزۋ» دەلىنگەن. شىن مانىندە, مەكتەپتەردىڭ وقۋ باعدارلامالارىنا «ماڭگىلىك ەل» قۇندىلىقتارى تۋرالى مول مالىمەت ەنگىزىلۋى دۇرىس دەر ەدىم. ويتكەنى, بۇل باتىستىق داڭعىرلاق مۋزىكا مەن ينتەرنەت جەلىسىندەگى ۇلتتىق قۇندىلىقتارىمىزعا جات اقپاراتپەن اۋەستەنەتىن جاس بۋىندى وتانشىلدىق رۋحتا تاربيەلەۋگە جول اشار ەدى. ءاربىر جاس ءوز وتانىن ءسۇيۋى, وتانعا قىزمەت ەتۋدىڭ پارىز ەكەنىن جەتە سەزىنىپ ءوسۋى قاجەت قوي. ەندەشە, قازىرگى وقۋ باعدارلامالارىنا ءار سالانىڭ ناقتى دەرەكتەرىنە قۇرىلعان مالىمەتتەرمەن قامتىلۋى كەرەك. ايدار سابىروۆ, ح.دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتىنىڭ دوتسەنتى. اتىراۋ.