قىزىلوردا. 26 تامىز. مىسىر استاناسى كايردىڭ «ءال –ازحار» ۋنيۆەرسيتەتىنىڭ يسلام مادەنيەتى جانە ءدىن ناسيحاتى باعىتى بويىنشا ۇستازى يماد مۇحامەد ءال-باعري مۇحامەد, شاريعات جانە زاڭ فاكۋلتەتىنىڭ ءابۋ حانيفا فيكھىنىڭ ۇستازى احماد ءال-امير مۇحامەد ءجاحين يسمايل قىزىلوردادا بىرنەشە كەزدەسۋلەر وتكىزدى. بۇل تۋرالى egemen.kz ءتىلشىسى حابارلادى.
كەزدەسۋلەردە «زايىرلى مەملەكەتتەگى ءدىننىڭ ءرولى», «سانانى ۋالاعان سان اعىم», «حالال تۇسىنىگى», «تالاق ماسەلەسى», «يمان جانە اقيدا» تاقىرىپتارىندا تۇرعىندارمەن پىكىر الماسۋلار ۇيىمداستىرىلدى. سونىمەن قاتار, شەتەلدىك ۇستازدار جەرگىلىكتى «قوعام تۆ» تەلەارناسى ارقىلى «ءدىن مەن ءدىل» باعدارلاماسىنا قاتىسىپ, تۇششىمدى ويلارىن جەتكىزدى.
ايتا كەتۋ كەرەك, سىر ەلىندە تۇرعىندار مەن يمام, مولدالاردىڭ بىلىكتىلىگىن دامىتۋ, ءدىني ساۋاتتىلىعىن ارتتىرۋ باعىتىندا قمدب-نىڭ قىزىلوردا وبلىسى بويىنشا وكىلدىگى, ورتالىق «اقمەشىت-سىرداريا» مەشىتىمەن بىرلەسكەن تۇردە بىرنەشە شارالار تۇراقتى جۇزەگە اسىرىلىپ كەلەدى. سونىڭ ءبىرى ايماعىمىزعا حالىقارالىق دەڭگەيدەگى ءدىنتانۋشى ۇستازداردى شاقىرىپ ۋاعىز-ناسيحاتتار ۇيىمداستىرۋ بولىپ تابىلادى.
ەرجان بايتىلەس.
دەرەك: egemen.kz.
سۋرەت: muftyat.kz.