قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆتىڭ ەكونوميكانىڭ شيكىزاتتىق ەمەس سەكتورىنا وتاندىق جانە شەتەلدىك ينۆەستيتسيالار تارتۋ كولەمىن ۇلعايتۋ جانە ەكسپورتتىق الەۋەتتى دامىتۋ بويىنشا العا قويعان مىندەتتەرگە سايكەس ءۇستىمىزدەگى جىلدىڭ 13-14 تامىزىندا اقتوبە وبلىسىنىڭ اكىمى ارحيمەد مۇحامبەتوۆتىڭ باستاۋىمەن تۇرىك رەسپۋبليكاسىنىڭ كونيا قالاسىنا بيزنەس-دەلەگاتسيا ساپارى ۇيىمداستىرىلدى. دەلەگاتسيا قۇرامىنا ايماقتىق كاسىپكەرلەر پالاتاسى, «اقتوبە» اكك» ۇك» اق ينۆەستورلارعا قىزمەت كورسەتۋ ورتالىعى وكىلدەرى ەندى.
ساپاردىڭ نەگىزگى ماقساتى – قازىرگى زامانعى تۇركيانىڭ جەدەلدەتىلگەن دامۋىنىڭ جيناقتالعان تاجىريبەسىن, نەگىزىنەن ونەركاسىپتىك ورتالىق – كونيا قالاسى يندۋستريالىق ايماعىنىڭ قىزمەت ەتۋ مەحانيزمىن زەرتتەۋ بولىپ تابىلادى. كونيا قالاسىندا 9 ۇيىمداسقان ونەركاسىپتىك ايماق پەن 15 شاعىن يندۋستريالىق ايماق جۇمىس ىستەيدى.
ايماقارالىق ىنتىماقتاستىقتى دامىتۋ ماقساتىندا اقتوبە وبلىسىنىڭ اكىمى ارحيمەد مۇحامبەتوۆ كونيا ايماعى باسشىلىعىمەن كەزدەستى. «جاسىل تەحنولوگيانى» قولداناتىن ەنەرگەتيكا, قۇرىلىس يندۋسترياسى, مەتالل وڭدەۋ سالاسىنداعى بىرقاتار كاسىپورىنداردا بولدى. سونداي-اق, وبلىس اكىمى انتاليا قالاسىنىڭ مەرىمەن كەزدەسىپ, تۋريستىك سالاداعى ينۆەستيتسيالىق ىنتىماقتاستىق ماسەلەلەرىن تالقىلادى.
2049 گەكتار اۋماقتى يەلەنگەن كونيانىڭ ۇيىمداسقان ونەركاسىپ ايماعىندا ءوندىرىستىڭ 80 ءارتۇرلى سەكتورىندا 520 كاسىپورىن جۇمىس ىستەيدى, ولاردا 30 مىڭ ادام ەڭبەك ەتەدى.
اۆتوموبيل ونەركاسىبى, ماشينا جاساۋ جانە جابدىقتار, مەتالل ونىمدەرى ءوندىرىسى, ازىق-ت ۇلىك جانە سۋسىندار ءوندىرىسى, جيھازدار, تەرى, پلاستماسسا, رەزەڭكە, توقىما بۇيىمدارى, اعاش, قاعاز جانە مەتالل ەمەس مينەرالدى ونىمدەر سەكىلدى سالالار دامۋ ۇستىندە.
كونيانىڭ ۇيىمداسقان ونەركاسىپ ايماعىندا بولۋ بارىسىندا اقتوبە وبلىسىنىڭ ينۆەستيتسيالىق الەۋەتى مەن جوبالارى تانىستىرىلدى, ەكونوميكانىڭ ءارتۇرلى سالالارى بويىنشا ارىپتەستىك تۋرالى كاسىپورىنداردىڭ ۇسىنىستارى ءبىلدىرىلدى.
اقتوبە وبلىسىنىڭ اكىمدىگى ءىرى دەڭگەيدەگى جوبالاردى جۇزەگە اسىرۋعا تۇركيا ينۆەستيتسياسىن تارتۋعا مۇددەلىلىگىن ءبىلدىردى.
ساتىبالدى ءساۋىرباي,
«ەگەمەن قازاقستان».
اقتوبە.