پرەزيدەنتتىڭ ءباسپاسوز قىزمەتى بىلاي دەپ حابارلادى:
26 تامىزدا پاكىستان يسلام رەسپۋبليكاسىنىڭ پرەمەر-ءمينيسترى ناۆاز شاريف قازاقستانعا رەسمي ساپارمەن كەلەدى. ساپار بارىسىندا ەكىجاقتى كەلىسسوزدەر ءوتىپ, بىرقاتار قۇجاتقا قول قويىلماق.
27 تامىزدا نۇرسۇلتان نازارباەۆتىڭ تمد ەلدەرى مەن شىۇ-عا مۇشە مەملەكەتتەردىڭ باس پروكۋرورلارىمەن كەزدەسۋى جوسپارلانعان.
قازاقستان پرەزيدەنتى سونداي-اق, وسى كۇنى ماگاتە باس ديرەكتورى يۋ.امانونى جانە اقش-تىڭ بۇرىنعى سەناتورى س.نانندى قابىلدايدى.
ال 28 تامىزدا ەلباسى قازاقستانعا رەسمي ساپارمەن كەلگەن سەربيا پرەزيدەنتى توميسلاۆ نيكوليچپەن كەزدەسەدى.
سونىمەن قاتار, مەملەكەت باسشىسىنىڭ سول كۇنى ەل كونستيتۋتسياسىنىڭ 20 جىلدىعىنا ارنالعان حالىقارالىق كونفەرەنتسياعا قاتىسۋى جوسپارلانۋدا.