قازاقستان رەسپۋبليكاسى كونستيتۋتسياسىنىڭ كۇنى قارساڭىندا سەنات توراعاسى قاسىم-جومارت توقاەۆ مەملەكەت باسشىسى ن.ءا.نازارباەۆتىڭ جارلىعىمەن ماراپاتتالعان سەنات اپپاراتىنىڭ ءبىر توپ قىزمەتكەرلەرىنە «قازاقستان كونستيتۋتسياسىنا 20 جىل» مەرەيتويلىق مەدالىن تابىس ەتتى, دەپ حابارلادى سەناتتىڭ ءباسپاسوز قىزمەتى.
«ەلباسى ءوز سوزىندە كونستيتۋتسيانى قاتاڭ باسشىلىققا الۋ مەملەكەتتىڭ تابىستى دامۋى مەن قوعامداعى ازاماتتىق كەلىسىمنىڭ نەگىزى دەپ اتاپ كورسەتكەن بولاتىن. بۇگىندە قازاقستاننىڭ الەم مەملەكەتتەرىمەن تەرەزەسى تەڭ ءتۇسىپ, ەلەۋلى جەتىستىكتەرگە جەتۋى اتا زاڭىمىزدىڭ ءومىرشەڭدىگىن دالەلدەپ وتىر», دەپ اتاپ ءوتتى ق.توقاەۆ. قازاقستان مەملەكەتتىگىنىڭ زاڭدىق نەگىزىنە اينالعان كونستيتۋتسيا قوعامىمىزداعى تۇراقتىلىق پەن كەلىسىمنىڭ بەرىك ىرگەتاسى بولىپ تابىلادى, دەدى توراعا.