ۇياباەۆ ۇمىتىلماسىن

رەداكتسياعا حات مەن “ەگەمەن قازاقستاننىڭ” ەڭ قارت وقىرماندارىنىڭ ءبىرىمىن. رەداكتسياعا جولداپ وتىرعان وسى ما­­­قالامدا قالامگەر زامانداسىم قۇر­مانعالي ۇياباەۆ تۋرالى ءسوز قوز­عا­ماقپىن. ول ۇلى وتان سوعىسىنان كەيىن “سوتسياليستىك قازاقستاندا” ەڭبەك ەتكەن ازامات ەدى. اتاپ ايت­قان­دا, قۇرەكەڭ 1950 جىلدان 1965 جىلعا دەيىن مۇندا وچەركيست, ءبولىم مەڭگە­رۋ­شىسى, باسىلىمنىڭ پاۆلودار, اق­ت­وبە وبلىستارى بويىنشا مەنشىكتى ءتىلشىسى قىزمەتتەرىن اتقاردى. “سو­تسياليستىك قازاقستانعا” كەلگەنشە ول اقىن بولىپ قالىپتاسقان-تىن. بۇل تالانت يەسى تۋرالى ءسابيت مۇ­قا­نوۆ جازۋشىلار وداعىنىڭ كەزەكتى سە­زىن­دە: “...الدا كوپ ءۇمىت كۇتتىرەتىن تا­لانتتى قازاق اقىندارىنىڭ ءبىرى” دەپ قۇرمانعالي ۇياباەۆتى اتاپ, ازامات اقىن رەتىندە باعا بەرگەنى بار. ودان سوڭ جازۋشى وتەباي قاناحين, اقىن سىرباي ماۋلەنوۆ جانە باسقالارى ق.ۇياباەۆتىڭ شىعارما­شى­لىعىنا قۇرمەتپەن قاراعانىن ءوز باسىم جاق­سى بىلەمىن. ويتكەنى, قۇ­رەكەڭ ليري­كالىق ولەڭدەردىڭ شەبەرى بولعان. ول ەپيك اقىن رەتىندە “سا­عات”, “تاعدىر تۋرالى ءسوز”, “جەر مەن ادام” اتتى پوەمالار جازىپ, 14 كى­تاپ­تىڭ اۆتورى اتانعان جان ەدى. شە­بەر اۋدارماشى رەتىندە پۋشكين, مي­تسكەۆيچ, انتو­كولسكي, تۆاردوۆ­س­كي ولەڭدەرىن قازاق تىلىندە سويلەتكەن. امال نە, وسى ايگىلى اقىن, شەبەر تارجىمەشى ۇمىتىلىپ, اتاۋسىز قالىپ كەلەدى. ازاماتتىڭ ەسىمى ءوزى تۋىپ-وسكەن وڭىردەگى ءبىر مەكتەپكە دە بە­رىل­گەن جوق. مەرەيتويلارى تەك اۋدان­داعى اۋىلدىق جيىن كولەمىندە عانا اتالىپ ءجۇر. بيىلعى داتاسى اۋىزعا دا الىنباي وتىر. رەداكتسياعا حات جازۋداعى ماقساتىم – قازاقستان جا­زۋشىلار وداعى مەن الماتى وبلىس­تىق اكىمدىگى جوعارىداعى جايتتەردەن حاباردار بولسا دەيمىن. حاباردار بولىپ قانا قويماي, ول ومىرگە كەلگەن اۋدانداعى ءبىر ءبىلىم ۇياسىنا ونىڭ اتىن بەرگىزۋگە مۇرىن­دىق بولسا وڭ بولار ەدى. بۇدان اقىن­نىڭ ءبىر كەزدەگى ەڭبەك ەتكەن ورنى – بۇرىنعى “سو­تسياليستىك قازاقستان” (قازىرگى “ەگە­مەن قازاقستان”) گازەتى دە سىرت قالماس دەپ ويلايمىن. ۇسەنباي تاستانبەكوۆ, قازاقستاننىڭ قۇرمەتتى ءجۋرناليسى. الماتى وبلىسى, قاراساي اۋدانى, قاسكەلەڭ قالاسى.