قىتاي ەلىن تانىپ-بىلۋگە ءبۇگىندە الەمنىڭ ءار مەملەكەتى وزىنشە كۇش سالۋدا. ال قىتاي حالىق رەسپۋبليكاسى بولسا ءوز ەلىنىڭ حالىقارالىق ارەناداعى بەدەل-ابىرويىن ارتتىرۋدا, ءوسىپ-وركەندەۋ جولىنداعى جاڭا سەرپىلىستەرىن پاش ەتۋدە الەم حالىقتارىنىڭ الدارىنا جاڭاشا بەينەمەن, جاڭاشا قىرلارىمەن كورىنىپ كەلەدى.
جۋىردا, ەلورداداعى ۇلتتىق اكادەميالىق كىتاپحانادا لەوۋ نين ۋنيۆەرسيتەتىنىڭ پروفەسسورى سۋ شۋ ياننىڭ “قىتايتانۋ” كىتابىنىڭ تۇساۋكەسەر ءراسىمى وتكىزىلدى. بۇل ءىس-شاراعا قازاقستاندىق قىتايتانۋشى عالىمدار, تاريحشىلار, ادەبيەت پەن ونەر سالاسىنداعى زيالى قاۋىم, قىتاي مادەنيەتىنە قىزىعۋشى وقىرماندار مەن قحر اقپارات مينيسترلىگىنىڭ جانىنداعى باسپا ءىسى جانە باسىلىمدار جونىندەگى باس باسقارمانىڭ باستىعى, قحر-دىڭ قازاقستانداعى ەلشىسى چجوۋ لي جانە قىتايدان كەلگەن بىرقاتار مەملەكەتتىك باسپاسىنىڭ باسشىلارى قاتىستى.
كىتاپ اۆتورى قىتاي قانداي ەل, قانداي ەرەكشەلىكتەرگە يە, ادامزات تاريحىنىڭ دامۋىنا قانداي ۇلەستەر قوستى دەگەن سىندى سۇراقتارعا جاۋاپ ىزدەگەن. ەلدىڭ تاريحي دامۋ جولدارى, ەجەلگى مادەنيەتى سان مىڭ سوقپاقتى اسۋلارى مەن بۇگىنگى جەتىستىكتەرى جايلى سىر شەرتەدى.
كىتاپتى قىتاي تىلىنەن قازاق تىلىنە دۋلات مالىك ۇلى, بەك ءدوكەي ۇلى, سەرىك كەنەنباي سىندى كاسىبي اۋدارماشىلار ءتارجىمالاپتى.
تۇساۋكەسەر راسىمدە ءسوز سويلەگەن قحر-دىڭ قازاقستانداعى ەلشىسى چجوۋ لي بۇل كىتاپتىڭ قازاق تىلىنەن باسقا اعىلشىن, فرانتسۋز, يسپان, تۇرىك, نەمىس تىلدەرىنە اۋدارىلىپ, 10 مىڭداعان دانامەن تارالىپ وتىرعانىن تىلگە تيەك ەتتى. “كىتاپ قازاق جۇرتىنىڭ قىتاي مەملەكەتىمەن ءجىتى تانىسۋىنا مول ءمۇمكىندىك جاسايدى. ەكى حالىق اراسىنداعى دوستىق بايلانىستى ودان ارمەن بەكەمدەي تۇسەتىنىنە سەنىمدىمىن”, – دەدى ءسوز سوڭىندا ەلشى.
اراي ۇيرەنىشبەكقىزى.