تاراز. 15 مامىر. جامبىل وبلىسى تالاس اۋدانىنىڭ ورتالىعى – قاراتاۋ قالاسىندا بەلگىلى ايتىس اقىنى شورابەك ايداروۆتىڭ 60 جاسقا تولۋىنا وراي رەسپۋبليكالىق ايتىس ءوتتى. بۇل تۋرالى egemen.kz ءتىلشىسى حابارلادى.
«شوق ءتىلدى شايىر – شورابەك» اتتى بۇل جىر دوداسىنا ەلىمىزدىڭ تۇكپىر-تۇكپىرىنەن 20 ايتىسكەر قاتىستى. ايتىسقا ەلىمىزگە بەلگىلى ازاماتتار بەكبولات تىلەۋحان, مۇحامەدجان تازابەكوۆ, اقىندار قايىربەك اسانوۆ, شىرىن ماماسەرىكوۆا, جازۋشى كوسەمالى ءساتتىباي قازىلىق ەتتى.
ءبىر كۇنگە سوزىلىپ, تالاس جەرىن جىرعا بولەگەن بۇل دودانىڭ باس جۇلدەسىنە اينۇر تۇرسىنباەۆا لايىق دەپ تانىلدى. باس جۇلدەگەرگە 1 ميلليون تەڭگە تابىس ەتىلدى. ءبىرىنشى ورىنعا استانالىق سەرىكزات دۇيسەنعازين, ەكىنشى ورىندارعا الماتى وبلىسىنان كەلگەن ايتاقىن بۇلعاقوۆ پەن جامبىلدىق التىنكۇل قاسىمبەكوۆا, ال ءۇشىنشى ورىندارعا شىمكەنتتىك اقمارال لەۋباەۆا مەن جامبىلدىق كۇمىسكۇل سارسەنباەۆا يە بولدى.
جامبىل وبلىسى اكىمىنىڭ ورىنباسارى ەرقانات مانجۋوۆ پەن تالاس اۋدانىنىڭ اكىمى بولات رىسمەنديەۆ توي يەسىن ارنايى قۇتتىقتاپ, اق بوز ات مىنگىزدى. ال, تارازدىق كاسىپكەر شوراباەۆ ايداروۆقا تەمىر تۇلپاردىڭ كىلتىن تابىس ەتتى.
ورالحان ءداۋىت.
دەرەك, سۋرەت: egemen.kz.