استانا. 15 مامىر. قازاقستاننىڭ بۇرىنعى پرەمەر-ءمينيسترى سەرىك احمەتوۆتىڭ ءۇي قاماقتاعى مەرزىمى وسى جىلدىڭ 18 ماۋسىمىنا دەيىن ۇزاردى. بۇل تۋرالى قاراعاندى قالاسى قازىبەك بي اۋداندىق سوتىنىڭ ءباسپاسوز قىزمەتى حابارلادى.
اتالعان سوتتىڭ ءباسپاسوز حاتشىسى ءاليا جوشەۆا بۇل جونىندە: «بۇگىن سۋديا ەركەش ماۋكەن سەرىك احمەتوۆتىڭ ءۇي قاماقتاعى مەرزىمىن 2015 جىلدىڭ 18 ماۋسىمىنا دەيىن ۇزارتۋ تۋرالى قاۋلى شىعاردى», – دەدى.
ايتا كەتەيىك, بۇرىنعى شەنەۋنىككە ءىرى كولەمدە مەملەكەت قاراجاتىن جىمقىردى جانە پارا الدى, قىزمەتىن اسىرا پايدالاندى, سونداي-اق, زاڭسىز كاسىپكەرلىكپەن اينالىستى دەگەن كۇدىك نەگىزىندە قىلمىستىق كودەكستىڭ 4-بابى بويىنشا 6 قىلمىستىق ايىپ تاعىلۋدا. سوعان سايكەس, 2014 جىلدىڭ 19 قاراشاسىنان 2015 جىلدىڭ 18 اقپانىنا دەيىن ءۇي قاماققا الىندى. كەيىن ءۇي قاماق مەرزىمى 2015 جىلدىڭ 18 ساۋىرىنە جانە 18 مامىرىنا دەيىن ەكى رەت ۇزارتىلدى.
ەلامان قوڭىر.
دەرەك: قاراعاندى قالاسى قازىبەك بي اۋداندىق سوتىنىڭ ءباسپاسوز قىزمەتى.
سۋرەت: zakon.kz.