قوستاناي. 15 مامىر. قوستاناي وبلىسىنىڭ تاران اۋدانىندا رەسەيدىڭ ۆولگاگراد وبلىسىنداعى كوتەلنيكوۆ قالاسىنداعى باۋىرلاستار زيراتىنان توپىراق سالىنعان كاپسۋلا اكەلىنىپ, قايتا جەرلەندى. ونداعى باۋىرلاستار زيراتىندا سوعىس كەزىندە قازا تاپقان جاۋىنگەر سابىر جۇمين دا جاتقان بولاتىن. بۇل تۋرالى egemen.kz حابارلادى.
بۇل يگىلىكتى ىسكە قوستاناي وبلىسىنداعى ىزشىلەر ەكسپەديتسياسى مۇرىندىق بولدى. وتكەن جىلدىڭ ءساۋىر ايىندا ىزشىلەر يرنتەرنەتتەن جەرلەسى سابىر ءجۇميننىڭ 1943 جىلى ستالينگراد شايقاسىندا قازا تاۋىپ, ۆولگاگراد وبلىسىندا جەرلەنگەنى تۋرالى اقپاراتتى تاپقان بولاتىن. سودان باستاپ جاۋىنگەر سابىر جۇمين تۋىستارىنىڭ وتباسىندا جاۋىنگەر اتالارىنىڭ الدىنداعى پارىزدى ورىنداۋدى ماقسات تۇتقان جۇمىستار باستالىپ كەتتى.
سابىر ءجۇميننىڭ نەمەرەسى قارلىعاش جۇمينا: «ءبىز اتامىز تۋرالى ىزدەۋ جۇمىستارىن وسىدان كوپ جىلدار بۇرىن باستاعانبىز. ۇزبەي ىزدەۋدىڭ ارقاسىندا جاقىندا عانا اتامىز تۋرالى بارلىق مالىمەتتى ارحيۆتەردەن تاپتىق» دەدى. سابىر ءجۇميننىڭ جەرلەنگەن باۋىرلاستار زيراتىنا بارىپ كەلۋ جونىندەگى باستامانى وبلىس اكىمى نۇرالى سادۋاقاسوۆ قولدادى. سونىمەن ۆولگوگراد وبلىسىنا اراسىندا ءجۇميننىڭ تۋىستارى بار دەلەگاتسيا اتتانىپ كەتكەن بولاتىن.
قارلىعاش جۇمينا: «كوتەلنيكوۆ قالاسىنىڭ اكىمشىلىگى ءبىزدى جىلى قابىلدادى, باۋىرلاستار زيراتىنا گۇل شوقتارىن قويدىق, سوسىن ولار بىزگە جاۋىنگەرلىك داڭق ورىندارىن ارالاتتى. باۋىرلاستار زيراتى جاقسى كۇتىلگەن, سول ءۇشىن قالا تۇرعىندارىنا باسىمىزدى ءيىپ قايتتىق. سوعىستاعى ەرلىك تە, ەشكىم دە ۇمىتىلمايدى» دەدى.
دەلەگاتسيا باۋىرلاستار زيراتىنان ءبىر كاپسۋلا توپىراق الدى, سونىمەن قاتار سابىر ءجۇميننىڭ تۋعان جەرىنەن دە ءبىر ۋىس توپىراق اپارىپ سالدى. ءسويتىپ جاۋىنگەردىڭ جاتقان جەرىنەن الىنعان توپىراقتى ونىڭ تۋعان جەرى تاران اۋدانىنداعى نابەرەجنىي اۋىلىنداعى زيراتقا اكەلىپ جەرلەدى. زيراتتتىڭ باسىنا جاۋىنگەرگە ارنالعان ەسكەرتكىش بەلگى ورناتىلدى. ۇلى وتان سوعىسىندا ميلليونداعان ادام قازا تاپتى, كوپتەگەن جاۋىنگەرلەر حابارسىز كەتتى. سول حابارسىز كەتكەندەردىڭ ءبىرى سابىر جۇمين بولاتىن, ەندى ونىڭ رۋحى تۋعان جەرىنە, ەلىنە كەلىپ تىنىستادى.
ءنازيرا جارىمبەتوۆا.
دەرەك, سۋرەت: egemen.kz