قاسىم-جومارت توقاەۆ: ەكى ەلدىڭ بايلانىسىن بەكەمدەۋ – حالىقتارىمىزدىڭ ورتاق ماقساتى

قاسىم-جومارت توقاەۆ كەلىسسوز بارىسىندا حالىقارالىق جانە ايماقتىق ماسەلەلەر دە نازاردان تىس قالماعانىن ايتتى.

«جاھاندىق گەوساياسي احۋالدىڭ ۋشىعۋىنا, قاقتىعىستاردىڭ كوبەيۋىنە ءبارىمىز الاڭداپ وتىرمىز. الەمدەگى كوپتەگەن تۇيتكىلگە قاتىستى مەملەكەتتەرىمىزدىڭ ۇستانىمى – ۇقساس. ەكى ەل دە كەز كەلگەن شيەلەنىس بەيبىت جانە ديپلوماتيالىق جولمەن شەشىلۋى كەرەك دەگەن قاعيداتتى قاتاڭ ۇستانادى. ءبىز بىرىككەن ۇلتتار ۇيىمى, ەۋروپاداعى قاۋىپسىزدىك جانە ىنتىماقتاستىق ۇيىمى, باسقا دا حالىقارالىق ۇيىمدار اياسىندا ءتيىمدى جۇمىس ىستەۋگە كەلىستىك. بەيبىتشىلىك پەن تۇراقتىلىقتى قامتاماسىز ەتۋگە بەلسەنە اتسالىسامىز دەپ ۋاعدالاستىق. قازاقستاننىڭ ۇستانىمى بويىنشا بارلىق ەلدەر بىرىككەن ۇلتتار ۇيىمىنىڭ جارعىسىن, حالىقارالىق قۇقىقتىڭ نەگىزگى قاعيداتتارىن قاتاڭ ساقتاۋعا مىندەتتى. قازاقستان باسقا ەلدەردىڭ اۋماقتىق تۇتاستىعىن قۇرمەتتەيدى جانە بۇكىل الەم مەملەكەتتەرىن وسى قاعيداتقا باسىمدىق بەرۋگە شاقىرۋدا. جالپى, ەكى ەلدىڭ بايلانىسىن بەكەمدەۋ – حالىقتارىمىزدىڭ ورتاق ماقساتى. بىرلەسكەن كۇش-جىگەرىمىزدىڭ ارقاسىندا ءوزارا ءتيىمدى ىنتىماقتاستىعىمىز جاڭا دەڭگەيگە كوتەرىلەدى دەپ سەنەمىن. دوستىعىمىز ءاردايىم بەرىك بولسىن! قازاقستان مەن كيپردىڭ قارىم-قاتىناسى نىعايا بەرسىن!» دەدى پرەزيدەنت.

قازاقستان مەن كيپر اراسىندا قانداي قۇجاتتارعا قول قويىلدى؟

نيكوس ءحريستودۋليديستىڭ ايتۋىنشا, بۇگىنگى كەلىسسوزدەر بارىسىندا ەكى ەل باسشىلارى ساياسي جانە ەكونوميكالىق سالالارداعى قارىم-قاتىناستى ودان ءارى ىلگەرىلەتۋ جولىندا ساياسي ەرىك-جىگەر تانىتاتىندارىن راستاعان.

ء«بىز بارلىق دەڭگەيدە تۇراقتى بايلانىس ورناتۋدىڭ ماڭىزىن اتاپ وتتىك. ويتكەنى ورنىقتى ساياسي ديالوگ – سەنىمدى نىعايتۋ مەن ناقتى ناتيجەگە قول جەتكىزۋدىڭ نەگىزگى فاكتورى. وسى ورايدا جوعارى ءبىلىم, عىلىمي زەرتتەۋ, مادەنيەت, سپورت, يننوۆاتسيا, تسيفرلىق باسقارۋ جانە اقپاراتتىق تەحنولوگيا سەكىلدى ماڭىزدى سالالاردا ءوزارا تۇسىنىستىك تۋرالى بىرقاتار مەموراندۋمعا قول قويىلعانى قۋانتادى. بۇل كەلىسىمدەر – جاي عانا تەحنيكالىق قۇجاتتار ەمەس, ەكىجاقتى بايلانىستاردىڭ الەۋەتىن قۇرىلىمدىق جانە مازمۇندىق تۇرعىدان جانداندىرۋدى كوزدەيتىن ورتاق شەشىمىمىزدىڭ ايقىن دالەلى», دەدى كيپر پرەزيدەنتى.

ەكى ەل پرەزيدەنتتەرى باق وكىلدەرىنە ارنالعان بريفينگ وتكىزدى