1 ماۋسىم – حالىقارالىق بالالاردى قورعاۋ كۇنىنە وراي استانا قالاسىنىڭ ءبىلىم بەرۋ مەكەمەلەرى قابىرعاسىندا ەرەكشە مەرەكەلىك شارا ۇيىمداستىرىلدى. ءبىلىم مەن تاربيەنى ۇشتاستىرىپ كەلە جاتقان ءبىلىم ورداسىندا بالالارعا ارنالعان جازعى جوبالاردىڭ سالتاناتتى اشىلۋ ءراسىمى ءوتتى, دەپ حابارلايدى Egemen.kz.
مەرەكەلىك ءىس-شارا استانا قالاسى اكىمدىگىنىڭ «وركەن» بالالار مەن جاسوسپىرىمدەر دەنە تاربيەسى ورتالىعىمەن بىرلەسىپ ۇيىمداستىرىلدى. شارا بارىسىندا قالالىق «ديدارلى جاز – 2026» سپورتتىق-ويىن الاڭدارى جوباسىنىڭ رەسمي اشىلۋى جاريالاندى.
«ديدارلى جاز – 2026» – استانا قالاسىنىڭ ءبىلىم بەرۋ ۇيىمدارىن بىرىكتىرەتىن اۋقىمدى قالالىق اكتسيا. جوبانىڭ باستى ماقساتى – بالالاردىڭ جازعى دەمالىسىن ءتيىمدى ۇيىمداستىرىپ, ولاردىڭ ۇلتتىق, ويىن جانە قوزعالمالى سپورت تۇرلەرىنە دەگەن قىزىعۋشىلىعىن ارتتىرۋ. جوبا جاس ۇرپاقتىڭ بويىندا جىلدامدىق, كۇش, توزىمدىلىك پەن ەپتىلىك قاسيەتتەرىن دامىتۋعا باعىتتالعان.
استانادا 100-گە جۋىق ءىس-شارا وتەدى: بۇگىن بالالاردى قايدا اپارۋعا بولادى؟
جوبا اياسىندا 5-6 سىنىپ وقۋشىلارى «قالا ىشىندەگى قالا» جىلجىمالى ويىندارى, فۋتبول, ۆولەيبول, اسىق اتۋ, بەس اسىق جانە توعىزقۇمالاق بويىنشا ءتۇرلى جارىستارعا قاتىسادى. بۇل بالالاردىڭ بوس ۋاقىتىن پايدالى وتكىزۋىنە عانا ەمەس, ۇلتتىق قۇندىلىقتاردى دارىپتەۋگە دە مۇمكىندىك بەرەدى.
سالتاناتتى جيىندا مەكتەپ ديرەكتورى مۇرات ەسكەندىر ۇلى احمەتوۆ پەن استانا قالاسى اكىمدىگىنىڭ «وركەن» بالالار مەن جاسوسپىرىمدەر دەنە تاربيەسى ورتالىعىنىڭ ديرەكتورى گينايات حاميت ۇلى سىزدىقوۆ ءسوز سويلەپ, جينالعان قاۋىمدى حالىقارالىق بالالاردى قورعاۋ كۇنىمەن قۇتتىقتادى. بالالاردىڭ جان-جاقتى دامۋىنا جاعداي جاساۋ – قوعامنىڭ ورتاق مىندەتى ەكەنىن اتاپ ءوتتى.
كونستيتۋتسيالىق سوت: بالالاردىڭ زاڭدى مۇددەلەرىن قورعاۋ – باسىم باعىت
مەرەكەلىك باعدارلاما كونتسەرتتىك نومىرلەرمەن, فلەشموبتارمەن, بي قويىلىمدارىمەن جانە قىزىقتى ويىندارمەن جالعاستى. ەرتەگى كەيىپكەرلەرى مەن روبوتتىڭ قاتىسۋى بالالاردىڭ ەرەكشە قىزىعۋشىلىعىن تۋدىردى. سونداي-اق باستاۋىش سىنىپ وقۋشىلارىنا ارنالعان «Qanat Smart Camp» لاگەرى, 5-10 سىنىپ وقۋشىلارىنا ارنالعان «Smart Bala» IT جانە جاساندى ينتەللەكت باعىتىنداعى « ۇلى دالا جانە 3D الەمى Digital Generation» بەيىندى لاگەرى مەن رەسپۋبليكالىق «جاسىل ەل» جاستار ەڭبەك جاساعىنىڭ ءىى كەزەڭى دە ءوز جۇمىسىن باستادى.
دينارا زاكيەۆا: بالالارعا قامقورلىق جاساۋ – مەملەكەتتىڭ باستى باسىمدىعى
شارا سوڭىندا وقۋشىلار اسفالتقا سۋرەت سالۋ بايقاۋىنا قاتىسىپ, شىعارماشىلىق قابىلەتتەرىن پاش ەتتى. بالالاردىڭ شات كۇلكىسى مەن كوتەرىڭكى كوڭىل-كۇيى مەرەكەنىڭ جوعارى دەڭگەيدە وتكەنىن اڭعارتتى. بالالاردى قورعاۋ كۇنى مەكتەپ ومىرىندەگى ماڭىزدى وقيعالاردىڭ بىرىنە اينالىپ, جازعى دەمالىس ماۋسىمىنىڭ جارقىن باستالۋىنا جول اشتى.
جانبوتا باحىتبەك