ەڭبەك جانە حالىقتى الەۋمەتتىك قورعاۋ مينيسترلىگى كريتيكالىق جاعدايعا تۇسكەن ازاماتتاردىڭ وتباسىلارىنا كومەك كورسەتۋ راسىمدەرىن جەڭىلدەتۋدى كوزدەپ وتىر, دەپ حابارلايدى Egemen.kz.
جاڭا تۇزەتۋلەرگە سايكەس, مەديتسينالىق-الەۋمەتتىك ساراپتاما جۇرگىزۋ جانە مەملەكەتتىك جاردەماقى تاعايىنداۋ ءتارتىبى قايتا قارالادى. بۇل وزگەرىستەر كوما جاعدايىنداعى ناۋقاستارعا قاتىستى قۇجات راسىمدەۋ پروتسەسىن ەداۋىر جەڭىلدەتۋگە باعىتتالعان.
مينيسترلىكتىڭ مالىمەتىنشە, بۇعان دەيىن مۇنداي جاعدايلاردا قۇجات تاپسىرۋ بارىسىندا بىرقاتار اكىمشىلىك قيىندىق تۋىندايتىن. ەندى جاڭا ءتارتىپ بويىنشا مەديتسينالىق-الەۋمەتتىك ساراپتاماعا ءوتىنىش بەرۋگە ناۋقاستىڭ جاقىن تۋىستارى نەمەسە جۇبايى رەسمي تۇردە قۇقىلى بولادى.
قانت ديابەتىنە شالدىققان جانە ينسۋلينگە تاۋەلدى ناۋقاستارعا بىرجولعى تولەم تەڭ بەرىلە مە؟
بۇل ءتاسىل بىرقاتار ماڭىزدى ماسەلەنى جەدەل شەشۋگە مۇمكىندىك بەرەدى, سونىڭ ىشىندە ناۋقاستىڭ الەۋمەتتىك مارتەبەسىن بەلگىلەۋ جانە مەملەكەتتىك جاردەماقىنى ۋاقىتىلى تاعايىنداۋ قاراستىرىلعان.
ۆەدومستۆونىڭ ايتۋىنشا, ۇسىنىلىپ وتىرعان نورمالار الەۋمەتتىك قولداۋ راسىمدەرىن اشىق ءارى قولجەتىمدى ەتىپ, ازاماتتارعا كورسەتىلەتىن كومەكتىڭ تيىمدىلىگىن ارتتىرادى.
قازىرگى ۋاقىتتا ءتيىستى بۇيرىق جوباسى «اشىق نقا» ينتەرنەت-پورتالىندا قوعامدىق تالقىلاۋعا شىعارىلعان.
نۇربولات امانبەك