پاۆلوداردا 28 ءبىلىم بەرۋ ۇيىمىنىڭ قىزمەتكەرلەرىنە قاتىستى قۇپيا اقپارات ينتەرنەتتە تارالىپ كەتكەن. بۇل تۋرالى پاۆلودار وبلىسى پروكۋراتۋراسىنىڭ ءباسپاسوز قىزمەتى مالىمدەدى, دەپ حابارلايدى Egemen.kz.
تەكسەرۋ بارىسىندا مەكتەپتەر مەديتسينالىق تەكسەرۋ قىزمەتتەرىن ساتىپ الۋ بويىنشا كونكۋرس جاريالاۋ كەزىندە قىزمەتكەرلەردىڭ جەكە دەرەكتەرىن مەملەكەتتىك ساتىپ الۋ پورتالىنا ورنالاستىرعانى بەلگىلى بولدى. اشىق قولجەتىمدىلىكتە ءۇي مەكەنجايلارى, انكەتالىق مالىمەتتەر جانە تەلەفون نومىرلەرى بولعان.
جەكە دەرەكتەر مەن گادجەتتەردى الاياقتاردان قالاي قورعاۋعا بولادى؟
قاداعالاۋ ورگانىنىڭ مالىمەتىنشە, جەكە دەرەكتەردىڭ اشىق جاريالانۋى ەڭبەك زاڭناماسىن بۇزىپ قانا قويماي, ولاردى الاياقتىق ماقساتتا پايدالانۋعا قاۋىپ توندىرگەن.
پروكۋراتۋرانىڭ ارالاسۋىنان كەيىن 2 065 قىزمەتكەردىڭ جەكە دەرەكتەرى پورتالدان جويىلدى. بۇزۋشىلىققا جول بەرگەن تۇلعالار تارتىپتىك جاۋاپكەرشىلىككە تارتىلعان.
سونىمەن قاتار قازاقستاندا جەكە دەرەكتەردى جاپپاي تاراتقانى ءۇشىن قىلمىستىق جاۋاپكەرشىلىك ەنگىزۋ جانە اكىمشىلىك ايىپپۇلداردى 5 000 اەك-كە دەيىن ۇلعايتۋ جوسپارلانىپ وتىر.
نۇربولات امانبەك