پارلامەنت سەناتىندا پالاتا توراعاسىنىڭ ورىنباسارى مۇحامبەت كوپەەۆ ۇلى سوتسيال حالىقتىق ليۆيا اراب ءجاماحيرىنىڭ سىرتقى ىستەر جونىندەگى سەنىمدى وكىلى احمەد اد-ديبپەن كەزدەستى. ونىڭ بارىسىندا قازاقستان-ليۆيا قاتىناستارىن ودان ءارى دامىتۋ ماسەلەلەرى تالقىلاندى. توراعا ورىنباسارى قازاقستان ليۆيا جاماحيرىمەن ەكىجاقتى قاتىناستاردى نىعايتۋعا مۇددەلى ەكەندىگىن اتاپ ءوتىپ, پارلامەنتارالىق ۇنقاتىسۋدى ورىستەتۋدىڭ ماڭىزدىلىعىنا توقتالدى.
“پارلامەنتارالىق ءوزارا ءىس-قيمىلدار بويىنشا بايلانىستاردى دامىتۋ ساياسي, ەكونوميكالىق جانە مادەني سالالارداعى ىنتىماقتاستىقتى نىعايتۋ جولىنداعى جوبالاردى جۇزەگە اسىرۋعا سەپتىگىن تيگىزەدى”, – دەدى ۆيتسە-سپيكەر. م.كوپەەۆتىڭ پىكىرىنشە, ەكى ەل اراسىندا قالىپتاسقان دوستىق بايلانىستاردىڭ مۇمكىندىكتەرى مەن بولاشاعى وتە زور. توراعا ورىنباسارى قازاقستاننىڭ ىشكى جانە سىرتقى ساياساتىنىڭ باسىم باعىتتارىنا توقتالىپ, مەملەكەت باسشىسى نۇرسۇلتان نازارباەۆتىڭ ساليقالى ساياساتىنىڭ ناتيجەسىندە ءبىزدىڭ ەل حالىقارالىق مويىنداۋدىڭ جاڭا دا ساپالى دەڭگەيىنە جەتكەندىگىن اتاپ ءوتتى. ۇستىمىزدەگى جىلى قازاقستان ەقىۇ-عا توراعالىق جاساۋدا, ال الداعى 2011 جىلى يسلام كونفەرەنتسياسى ۇيىمىنا توراعالىق ەتەتىن بولادى.
ا.اد-ديب ءوز كەزەگىندە قازاقستاننىڭ ساياسي جاڭعىرتۋ مەن ەكونوميكالىق دامۋ سالالارىنداعى جەتىستىكتەرىن جوعارى باعالادى. ء“سىزدىڭ ەلىڭىز شىعىس پەن باتىستىڭ اراسىنداعى ىنتىماقتاستىقتى نىعايتۋ ىسىنە ايتۋلى ۇلەس قوسىپ, مۇسىلمان جانە اراب الەمىمەن تىعىز بايلانىستار ورناتۋدا”, – دەدى ليۆيالىق ديپلومات. ا.اد-ديب, سونىمەن قاتار, ليۆيا ءجاماحيرى ەكىجاقتى قاتىناستاردى مەملەكەتارالىق بايلانىستاردىڭ بارلىق سالالارى, سونىڭ ىشىندە پارلامەنتارالىق دەڭگەيى بويىنشا بەلسەندىلەندىرۋدى قالايتىندىعىن اتاپ ءوتتى, دەپ حابارلادى پارلامەنت سەناتىنىڭ ءباسپاسوز قىزمەتى.