مەملەكەت باسشىسى قورشاعان ورتانى قورعاۋ سالاسىنداعى بىرقاتار حالىقارالىق ۇيىمدار باسشىلارىمەن كەزدەسىپ, ورتالىق ازياداعى نەگىزگى ەكولوگيالىق باستامالاردى ىسكە اسىرۋ جولدارىن تالقىلادى, دەپ حابارلايدى Egemen.kz.
قاسىم-جومارت توقاەۆ وڭىرلىك ەكولوگيالىق سامميتكە قاتىسىپ, قولداۋ كورسەتكەنى ءۇشىن دەلەگاتتارعا العىس ايتىپ, ولاردىڭ مول تاجىريبەسى ورتاق ماسەلەلەردىڭ شەشىمىن تابۋدا ناقتى تاسىلدەردى ىلگەرىلەتۋگە ىقپال ەتەتىنىنە سەنىم ءبىلدىردى.
پرەزيدەنت ەلىمىز ورنىقتى دامۋدى قامتاماسىز ەتۋ جانە بيوالۋانتۇرلىلىكتى قورعاۋ بويىنشا حالىقارالىق ينستيتۋتتاردىڭ قىزمەتىنە باسا ءمان بەرەتىنىن اتاپ ءوتتى.
پرەزيدەنت دۇنيەجۇزىلىك دەنساۋلىق ساقتاۋ ۇيىمىنىڭ باس ديرەكتورىمەن كەزدەستى
مەملەكەت باسشىسىنىڭ ايتۋىنشا, قازاقستان وڭىرلىك جانە جاھاندىق دەڭگەيدە ەكولوگيالىق جاۋاپكەرشىلىك قاعيداتتارىن جۇزەگە اسىرۋدى جاقتايدى. ەلىمىزدىڭ جاڭا كونستيتۋتسياسىندا قورشاعان ورتانى قورعاۋ مەملەكەتتىك ساياساتتىڭ نەگىزگى قاعيداتتارىنىڭ ءبىرى رەتىندە ايقىندالعان.
حالىقارالىق كونۆەنتسيا وكىلدەرى وڭىرلىك ەكولوگيالىق ءسامميتتى جوعارى دەڭگەيدە ۇيىمداستىرعانى ءۇشىن مەملەكەت باسشىسىنا ريزاشىلىقتارىن جەتكىزدى.
ولار حالىق اراسىندا ەكولوگيالىق سانا قالىپتاستىرۋدى كوزدەيتىن «تازا قازاقستان» باعدارلاماسىن جۇزەگە اسىرۋدى قۇپتايتىندارىن مالىمدەدى.
سونىمەن قاتار مارتەبەلى مەيماندار ەلىمىزدىڭ كليمات جانە سۋ پروبلەمالارىن شەشۋگە قاتىستى جاھاندىق باستامالارىنا قولداۋ كورسەتتى.
پرەزيدەنت ەقىۇ-نىڭ باس حاتشىسىن قابىلدادى
كەزدەسۋگە بۇۇ باس حاتشىسىنىڭ ورىنباسارى – بۇۇ قورشاعان ورتا باعدارلاماسىنىڭ (UNEP) اتقارۋشى ديرەكتورى ينگەر اندەرسەن, جويىلىپ كەتۋ قاۋپى تونگەن جابايى فاۋنا جانە فلورا تۇرلەرىمەن حالىقارالىق ساۋدا تۋرالى كونۆەنتسيانىڭ (CITES) باس حاتشىسى يۆونن يگەرو, بۇۇ-نىڭ بيوالۋانتۇرلىلىك جونىندەگى كونۆەنتسياسىنىڭ اتقارۋشى حاتشىسى استريد شوماكەر, بازەل, روتتەردام جانە ستوكگولم كونۆەنتسيالارىنىڭ اتقارۋشى حاتشىسى رولف پايە قاتىستى.