بۇگىن اقمولا وبلىسى اقكول قالاسىندا «تازا قازاقستان» رەسپۋبليكالىق باعدارلاماسى اياسىندا «تازا ولكە – اقكول» اۋقىمدى ەكولوگيالىق اكتسياسى ءوتتى, دەپ جازادى Egemen.kz.
اكتسيا بارىسىندا قالا اۋماعى اباتتاندىرىلىپ, قورشاعان ورتا تازارتىلدى. ءىس-شاراعا 250-دەن استام ادام قاتىستى. ولاردىڭ قاتارىندا جەرگىلىكتى اتقارۋشى ورگانداردىڭ وكىلدەرى, اۋداندىق ءماسليحات دەپۋتاتتارى, ءبىلىم بەرۋ ۇيىمدارىنىڭ قىزمەتكەرلەرى, اسكەري قىزمەتشىلەر, ستۋدەنتتەر, ەرىكتىلەر جانە اۋدان تۇرعىندارى بار.
@TazaQazBot – تازالىق جولىنداعى ءتيىمدى تەتىك: 24 مىڭنان استام ماسەلە شەشىمىن تاپتى
اقكول اۋدانىنىڭ اكىمى ءبىرجان ءابدىراحمانوۆ, اۋداندىق ءماسليحات دەپۋتاتى كوكەن نازاربەك, «Amanat» پارتياسىنىڭ «جاستار رۋحى» جاستار قاناتىنىڭ باسشىسى كارينا ابدۋللينا قاتىسۋشىلاردى ءاردايىم ەكولوگيالىق اكتسيالاردى قولداۋعا شاقىردى. سپيكەرلەر ءوز سوزىندە ەكولوگيالىق جاۋاپكەرشىلىك تەك مەملەكەتتىڭ مىندەتى عانا ەمەس, ءاربىر ازاماتتىڭ تۇراقتى دامۋ مەن ءومىر ءسۇرۋ ساپاسىن ارتتىرۋعا قوسقان ۇلەسى ەكەنىن اتاپ ءوتتى.
مەملەكەت باسشىسى: «تازا قازاقستان» جالپىۇلتتىق جوباسىنىڭ تۇپكى ءمانى – قوعامدىق سانانى جاڭعىرتۋ
«تازا قازاقستان» باعدارلاماسى شەڭبەرىندە جاستار, بلوگەرلەر جانە ەكو-بەلسەندىلەر الەۋمەتتىك جەلىدە «وزىڭنەن باستا» اتتى اكتسيا باستادى.