اقتوبەدە حالىققا قىزمەت كورسەتۋ ورتالىعىنىڭ (حققو) عيماراتىندا زاڭسىز دەلدالدىق قىزمەت ۇيىمداستىرعان ءبىر توپ تۇلعا قۇرىقتالدى. بۇل تۋرالى اقتوبە وبلىستىق پوليتسيا دەپارتامەنتىنىڭ ءباسپاسوز قىزمەتى حابارلادى, دەپ جازادى Egemen.kz.
ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى جۇرگىزگەن جەدەل ءىس-شارالار بارىسىندا كۇدىكتىلەردىڭ حققو ىشىندە بىرنەشە كابينەتتى جالعا الىپ, «كومەك كورسەتۋ» سحەماسىن قۇرعانى انىقتالدى. ولار ورتا ازيا ەلدەرىنەن كەلگەن شەتەل ازاماتتارىنا اقىلى نەگىزدە زاڭسىز تىركەۋ جۇرگىزىپ, جالعان قۇجاتتار راسىمدەۋمەن اينالىسقان.
164 ملن تەڭگە شىعىن: الماتىدا جۇك كولىكتەرىن زاڭسىز تىركەگەن حقكو-نىڭ قىزمەتكەرلەرى سوتتالدى
«قازىرگى ۋاقىتتا كۇدىكتىلەردىڭ شەتەلدىكتەرگە جالعان قۇجاتتاردى پايدالانا وتىرىپ, دەلدالدىق قىزمەت كورسەتكەنى دالەلدەندى. اتالعان فاكت بويىنشا جالعان قۇجاتتاردى دايىنداۋ, قولدان جاساۋ جانە وتكىزۋ باپتارى نەگىزىندە قىلمىستىق ءىس تىركەلدى», دەپ مالىمدەدى پوليتسيا وكىلدەرى.
پوليتسيا قازىرگى ۋاقىتتا كۇدىكتىلەردىڭ قىلمىستىق ارەكەتتەرىن تولىق قۇجاتتاندىرۋ بويىنشا جەدەل-تەرگەۋ امالدارىن جالعاستىرىپ جاتىر.
ەندى حقكو-دان قۇجاتتى تاۋلىكتىڭ كەز كەلگەن ساتىندە الىپ كەتۋگە بولادى