ۇكىمەتتىڭ ءباسپاسوز قىزمەتى 2026 جىلعى I توقساننىڭ قورىتىندىسى بويىنشا مەملەكەتتىك بيۋدجەت كىرىستەرى 104,4%-عا ورىندالعانىن حابارلادى, دەپ جازادى Egemen.kz.
قازىناعا جوسپارلانعان 6,2 ترلن ورنىنا 6,4 ترلن تەڭگە تۇسكەن, وسىلايشا جوسپار 268,7 ملرد تەڭگەگە اسىرا ورىندالعان. ال 2025 جىلمەن سالىستىرعاندا ءوسىم 930,6 ملرد تەڭگەنى (+16,9%) قۇراعان.
بيۋدجەت-سالىق ساياساتىنىڭ جاڭا باعدارى
ۇكىمەت رەسپۋبليكالىق جانە جەرگىلىكتى بيۋدجەتتەردىڭ جوسپارلى كورسەتكىشتەرىن اسىرا ورىنداعانىن مالىمدەدى. ءوسىم قازاقستاننىڭ ەكسپورتتىق تاۋارلارى باعاسى, تاۋارلار مەن كورسەتىلەتىن قىزمەتتەردى وتكىزۋ كولەمىنىڭ ارتۋى, سونداي-اق سالىقتىق جانە كەدەندىك اكىمشىلەندىرۋ ناتيجەلەرى ەسەبىنەن قامتاماسىز ەتىلگەن.