توتەنشە جاعدايلار جانە دۇلەي ءزىلزالالار قاۋپىن ازايتۋ ورتالىعىنىڭ بازاسىندا قازاقستان تاراپىنىڭ توراعالىعىمەن ورتالىق كەڭەستىڭ ون سەگىزىنشى وتىرىسى ءوتتى, دەپ حابارلايدى Egemen.kz.
وتىرىس جۇمىسىنا توتەنشە جاعدايلار ءمينيسترى گەنەرال-لەيتەنانت شىڭعىس ءارىنوۆ جانە قىرعىز رەسپۋبليكاسىنىڭ توتەنشە جاعدايلار ءمينيسترى كاناتبەك چىنىباەۆ, سونداي-اق كەڭەس مۇشەلەرى مەن بەيىندى بولىمشەلەردىڭ وكىلدەرى قاتىستى.
ءىس-شارا بارىسىندا ورتالىقتىڭ 2025 جىلعى قىزمەتىنىڭ قورىتىندىسى ۇسىنىلىپ, 2026 جىلعا ارنالعان جۇمىستىڭ باسىم باعىتتارى ايقىندالدى. قاتىسۋشىلارعا ورتالىق ازيا ەلدەرىندە اپاتتار قاۋپىن ازايتۋ, كليماتتىڭ وزگەرۋىنە بەيىمدەلۋ جانە اقپاراتتىق-كوممۋنيكاتسيالىق تەحنولوگيالاردى ەنگىزۋ سالالارىنداعى جوبالاردى ىسكە اسىرۋ بارىسى تۋرالى اقپارات ۇسىنىلدى.
2025 جىلى ورتالىق وڭىرلىك ىنتىماقتاستىقتى دامىتۋعا, حالىقارالىق ۇيىمدارمەن ءوزارا ءىس-قيمىلدى نىعايتۋعا, سونداي-اق مەملەكەتتىك ورگاندار مەن حالىقتىڭ توتەنشە جاعدايلارعا دايىندىعىن ارتتىرۋعا باعىتتالعان كەشەندى ءىس-شارالار جۇزەگە اسىرىلعانى اتاپ ءوتىلدى.
توتەنشە جاعدايعا دايىندىق: جەرتولەلەر مەن پاركينگتەر پانالاۋ ورىندارىنا اينالادى
ءوز سوزىندە شىڭعىس ءارىنوۆ ورتالىقتىڭ وڭىرلىك مەملەكەتتەردىڭ كۇش-جىگەرىن ۇيلەستىرۋ, تاجىريبە الماسۋ جانە توتەنشە جاعدايلاردىڭ الدىن الۋ مەن ولاردى جويۋ سالاسىندا كەلىسىلگەن شەشىمدەر ازىرلەۋ ءۇشىن ءتيىمدى الاڭ رەتىندەگى ماڭىزدىلىعىن اتاپ ءوتتى. ورتالىقتى ودان ءارى دامىتۋ جانە حالىقارالىق ىنتىماقتاستىقتى كەڭەيتۋ ماسەلەلەرىنە ەرەكشە نازار اۋدارىلدى.
الماتىنىڭ ءبىر بولىگىندە توتەنشە جاعداي جاريالاندى
وتىرىس سوڭىندا ىنتىماقتاستىقتى ودان ءارى دامىتۋعا جانە ونىڭ قىزمەتىنىڭ تيىمدىلىگىن ارتتىرۋعا باعىتتالعان ورتالىق كەڭەسىنىڭ ءتيىستى شەشىمىنە قول قويىلدى.