تسيفرلىق تەڭگە – ينۆەستيتسيالىق قۇرال ەمەس: ۇلتتىق بانك ازاماتتارعا ەسكەرتۋ جاسادى

الاياقتار «تسيفرلىق تەڭگە مەملەكەتتىك ينۆەستيتسيالىق جوباسى» دەگەن اتاۋمەن ءتۇرلى حابارلامالار تاراتىپ, قىسقا مەرزىمدە جوعارى تابىس پەن مەملەكەت اتىنان قولداۋ بار ەكەنىن ۋادە ەتەدى. مۇنداي اقپاراتتار ارقىلى ولار ازاماتتاردى فيشينگتىك سايتتارعا باعىتتايدى. سونداي-اق «شەكتەۋلى ۇسىنىس» نەمەسە «سوڭعى مۇمكىندىك» دەگەن سىلتاۋمەن ادامداردى اسىعىس شەشىم قابىلداۋعا يتەرمەلەيدى.

جالعان پلاتفورمالاردا ارنايى جەكە كابينەت جاسالىپ, وندا ء«وسىپ كەلە جاتقان پايدا» كورسەتىلىپ, پايدالانۋشىلاردى قايتا-قايتا اقشا سالۋعا كوندىرەدى. وسىلايشا, قاسكويلەر ازاماتتاردىڭ قاراجاتىنا قول جەتكىزەدى.

تسيفرلىق تەڭگە: قارجى جۇيەسىندەگى تىڭ نۇسقا

ۇلتتىق بانك ناقتىلاپ وتكەندەي, تسيفرلىق تەڭگە – ۇلتتىق ۆاليۋتانىڭ تسيفرلىق ءتۇرى جانە زاڭدى تولەم قۇرالى عانا. ول ينۆەستيتسيالىق قۇرالعا جاتپايدى جانە پايدا تابۋ ءۇشىن پايدالانىلمايدى.

وسىعان بايلانىستى رەتتەۋشى ورگان ازاماتتاردى ينتەرنەتتەگى كۇماندى سىلتەمەلەرگە وتپەۋگە, بەلگىسىز نومىرلەردەن كەلگەن قوڭىراۋلارعا سەنبەۋگە شاقىرادى. سونىمەن قاتار تەك رەسمي دەرەككوزدەرگە سۇيەنىپ اقپاراتتى تەكسەرۋ قاجەت, ال قاشىقتان باسقارۋ باعدارلامالارىن ورناتۋدان باس تارتۋ ۇسىنىلادى.

ماماندار سونداي-اق دەربەس دەرەكتەردى, SMS-كودتاردى جانە بانك كارتاسىنىڭ مالىمەتتەرىن ەشكىمگە بەرمەۋ كەرەكتىگىن ەسكەرتەدى. ءۇشىنشى تۇلعالارعا اقشا اۋدارۋعا دا قاتاڭ تىيىم سالىنادى.

ۇلتتىق بانك: بيزنەس رۋبل مەن دوللاردىڭ اۋىتقۋىنا تاۋەلدىلىكتى تومەندەتەدى

ۇلتتىق بانك وكىلدەرى ەشقاشان اۋديو نەمەسە ۆيدەوقوڭىراۋ شالمايتىنىن, جەكە شوتتارعا قىزمەت كورسەتپەيتىنىن جانە ينۆەستيتسيالىق ونىمدەرگە اقشا سالۋدى ۇسىنبايتىنىن ناقتىلادى. سونداي-اق قارجى قۇرالدارىن ساقتاندىرۋ نەمەسە حالىقپەن تىكەلەي اقشالاي وپەراتسيا جۇرگىزۋ قۇزىرەتىنە كىرمەيدى.

الاياقتىققا تاپ بولعان جاعدايدا ازاماتتارعا قۇقىق قورعاۋ ورگاندارىنا جۇگىنۋ ۇسىنىلادى. قوسىمشا كەڭەس الۋ ءۇشىن ۇلتتىق بانكتىڭ بايلانىس ورتالىعىنا 1477 قىسقا ءنومىرى ارقىلى حابارلاسۋعا بولادى.

ۇلتتىق بانك 10 مىڭ تەڭگەلىك ەسكى بانكنوتتاردى پايدالانۋ مەرزىمىن ۇزارتتى