قازاقستاندىق تەننيسشى جىبەك قۇلامباەۆا ءۇندىستاننىڭ ناگپۋر قالاسىندا وتكەن ITF W15 سەرياسىنداعى ءتۋرنيردىڭ جۇپتىق سىنىندا باس جۇلدەنى يەلەندى, دەپ حابارلايدى Egemen.kz.
شەشۋشى باسەكەدە جىبەك رەسەيلىك ەكاتەرينا ياشينامەن بىرگە ەلينا نەپلي مەن كسەنيا لوسكۋتوۆا تاندەمىنەن باسىم ءتۇستى.باس جۇلدە ساراپقا سالىنعان فينالدىق ماتچ وتە تارتىستى ءوتتى. العاشقى پارتيادا جول بەرگەنىنە قاراماستان, قۇلامباەۆا مەن ياشينا ەكىنشى سەتتە ويىن تىزگىنىن قولعا الىپ, جەڭىستى شيرەلەنىستى وتكەن سۋپەر-تاي-برەيكتە ج ۇلىپ الدى. قورىتىندى ەسەپ – 5:7, 6:4, 10:6. ايتا كەتەرلىگى, بۇل تابىس وتانداسىمىز ءۇشىن العان جاراقاتىنان ايىعىپ, كورتقا قايتا ورالعاننان كەيىنگى وسى ماۋسىمداعى العاشقى تيتۋل.جۇپتىق سىنداعى جەڭىستەن بولەك, جىبەك جەكەلەي كەستەدە دە باستى جۇلدە ءۇشىن كۇرەستى جالعاستىرىپ كەلەدى. جارتىلاي فينالدىق كەزدەسۋدە قۇلامباەۆا (WTA №419) جەرگىلىكتى تەننيسشى زەەل دەسايدى (№583) سەنىمدى تۇردە قاپى قالدىردى. ەندى ناگپۋرداعى ەكىنشى تيتۋل ءۇشىن وتەتىن فينالدا قازاقستاندىق سپورتشى ءۇندىستاننىڭ تاعى ءبىر وكىلى سونال پاتيلمەن (№1159) كەزدەسەدى.
ءتورت بىردەي تەننيسشىمىز الەمدىك رەيتينگتىڭ توپ-10 تىزىمىنە ەندى
ايتا كەتەيىك, 10-11 ءساۋىر كۇندەرى جىبەك قۇلامباەۆا قازاقستان قۇراماسى ساپىندا الەمدىك كوماندالىق چەمپيونات – Billie Jean King ءCup تۋرنيرىنىڭ ىرىكتەۋ كەزەڭىنە قاتىسادى. استانادا وتەتىن بۇل سىندا ءبىزدىڭ قۇراما كانادا كومانداسىنا قارسى وينايدى.
ەلەنا رىباكينا Miami ءتۋرنيرىنىڭ جارتىلاي فينالىندا سوبولەنكوعا ەسە جىبەردى