ىشكى ىستەر مينيسترلىگى تۇرعىن ءۇي كەزەگىنە بايلانىستى تارالىپ جاتقان جاڭا الاياقتىق ءتاسىل تۋرالى ەسكەرتىپ, ازاماتتاردى ساق بولۋعا شاقىردى, دەپ حابارلايدى Egemen.kz.
ۆەدومستۆو مالىمەتىنشە, الاياقتار وزدەرىن بانك نەمەسە مەملەكەتتىك ورگان قىزمەتكەرلەرى رەتىندە تانىستىرىپ, ازاماتتاردى الداۋعا تىرىسادى. ولار الەۋمەتتىك جەلىلەر ارقىلى جالعان اقپارات تاراتىپ, سونداي-اق مەسسەندجەرلەر ارقىلى تۇرعىندارمەن بايلانىسقا شىعادى.
«كوبىنە الاياقتار «باسپانا كەزەگىڭىز كەلدى»نەمەسە «پاتەر كىلتىن شۇعىل راسىمدەۋ قاجەت» دەگەن سىلتاۋمەن جەكە مالىمەتتەردى سۇرايدى نەمەسە اقشا اۋدارۋدى تالاپ ەتەدى. مۇنداي ارەكەتتەر زاڭسىز جانە قىلمىستىق جاۋاپكەرشىلىككە اكەلەدى», دەلىنگەن حابارلامادا.
پوليتسيا وكىلدەرى بانكتەردىڭ قىزمەتكەرلەرى ەشقاشان مەسسەندجەر ارقىلى قۇجات راسىمدەمەيتىنىن جانە جىلجىمايتىن م ۇلىك كىلتتەرىن بەرمەيتىنىن ەسكە سالدى. تۇرعىن ءۇي الۋ تەك رەسمي تارتىپپەن جۇزەگە اسىرىلادى.
اقمولا وبلىسىندا جالعان قۇجات جاساماق بولعان كۇدىكتى ۇستالدى