«Eco Almaty» جشس 2026 جىلى قالانى گۇل ەكپەلەرىمەن كوگالداندىرۋ جانە بەزەندىرۋ جۇمىستارىن باقىلاۋعا الادى. مەكەمە مالىمەتىنشە, جوسپارلانعان اۋماق 387 مىڭ شارشى مەتردى قۇرايدى. ونىڭ ىشىندە: 107 مىڭ شارشى مەترگە بىرجىلدىق گۇلدەر, 280 مىڭ شارشى مەترگە كوپجىلدىق گۇلدەر مەن بۇتالار, سونداي-اق 116 مىڭ شارشى مەترگە راۋشان گۇلدەرى ەگىلەدى. ناتيجەسىندە 2025 جىلمەن سالىستىرعاندا گۇلزارلار اۋماعى 77%-عا ۇلعايادى, دەپ حابارلايدى Egemen.kz.
ماۋسىمعا دايىندىق جۇمىستارى Eco Almaty جىلىجايدا گۇل وسىرەتىن جەرگىلىكتى كاسىپكەرلەرمەن بىرلەسە جۇرگىزىلىپ جاتىر. ساراپشى-اگرونومدار الماتىنىڭ كونتينەنتتىك كليماتىنا بەيىمدەلگەن وسىمدىكتەردى تاڭداپ, سالۆيا, تاگەتەس, اگەراتۋم, التەرنانتەرا سياقتى ىستىققا ءتوزىمدى گۇلدەردى وتىرعىزۋدى جوسپارلاپ وتىر. بۇل گۇلدەر جازعى اپتاپقا ءتوزىمدى ءارى جەرگىلىكتى اۋا رايىنا جاقسى بەيىمدەلگەن.
كوكتەمگى ماۋسىمعا دايىندىق قىس ايلارىنان باستالىپ, ۇزدىكسىز جۇرگىزىلەدى. ءداستۇر بويىنشا كوگالداندىرۋ ەرتە كوكتەمگى گۇل ەگۋدەن باستالادى. ناۋرىز مەرەكەسى قارساڭىندا قالا پريمۋلالارمەن بەزەندىرىلىپ, مەرەكەلىك اتموسفەرا قالىپتاسادى.
الماتى كرەمني القابىنا اينالا ما؟
ماۋسىم بويى الماتىنىڭ بارلىق اۋدانىندا كىلەم ۇلگىسىندەگى گۇل كومپوزيتسيالارى, سونداي-اق ساياباقتار مەن سكۆەرلەردەگى جاڭارتىلعان گۇلزارلار قالا كەلبەتىن كوركەيتىپ, تۇرعىندار مەن قوناقتارعا ەرەكشە كوڭىل-كۇي سىيلايدى.
الماتىنىڭ ەكونوميكالىق ينديكاتورى – 9,4 پايىز