ءماجىلىس دەپۋتاتى اسحات ايماعامبەتوۆ زەينەتاقى قاراجاتىن باسقارۋعا قاتىستى ەنگىزىلگەلى وتىرعان ەكى نەگىزگى تۇزەتۋدىڭ ماڭىزىن ءتۇسىندىردى, دەپ حابارلايدى Egemen.kz.
دەپۋتاتتىڭ ايتۋىنشا ازاماتتاردىڭ كوپشىلىگى زەينەتاقى جيناقتارىنىڭ ءبىر بولىگىن, ناقتى ايتقاندا 50%-ىنا دەيىن, تابىستىلىقتى ارتتىرۋ جانە تاۋەكەلدەردى ءارتاراپتاندىرۋ ءۇشىن جەكە باسقارۋشى كومپانيالارعا بەرۋگە قۇقى بار ەكەنىن بىلە بەرمەيدى. ارينە, ەشتەڭەنى وزگەرتپەي, قاراجاتتى تولىقتاي ۇلتتىق بانككە سەنىپ قالدىرۋعا بولادى. قالاعان جاعدايدا ءار ازامات ءوز بەتىنشە شەشىم قابىلداپ, جيناعىنىڭ ءبىر بولىگىن كاسىبي باسقارۋشىلارعا بەرە الادى. الايدا بۇل مۇمكىندىك ازىرگە كەڭىنەن قولدانىلىپ وتىرعان جوق.
زەينەتاقى جيناعىن مەرزىمىنەن بۇرىن الۋ قيىندايدى
ء«بىز ەكى نەگىزگى تۇزەتۋدى ۇسىندىق. بىرىنشىدەن. ازاماتتاردىڭ قاراجاتىن جەكە باسقارۋشى كومپانيالارعا بەرۋ شەگىن قازىرگى 50%-دان 75%-عا دەيىن ۇلعايتۋدى ۇسىنامىز. بۇل جەردە ەڭ باستىسى − بۇل مىندەت ەمەس, قۇقىق ەكەنىن اتاپ وتكەن ءجون.
ەكىنشىدەن. ازاماتتاردىڭ وزدەرى تاڭداعان باسقارۋشى كومپانياعا, وسى جيناقتاردى يكەمدى تۇردە باسقارۋعا مۇمكىندىك بەرۋدى ۇسىنامىز: قاراجاتتىڭ ءبىر بولىگىن كونسەرۆاتيۆتى قۇرالدارعا, ءبىر بولىگىن تابىسى جوعارى, بىراق تاۋەكەلى دە جوعارى قۇرالدارعا, ال ءبىر بولىگىن تەڭگەرىمدى باعىتتارعا ورنالاستىرۋ مۇمكىندىگىن بەرۋ. ياعني ء«بارى نەمەسە ەشتەڭە» ەمەس ستراتەگياسى ەمەس, سانالى تاڭداۋ. ۇسىنىستارىمىزدىڭ ءمانى قاراپايىم. اقشا تەك جاتىپ قالماي, جۇمىس ىستەۋى ءتيىس», دەدى اسحات ايماعامبەتوۆ.
دەپۋتاتتىڭ ايتۋىنشا, بۇل جيناقتاۋ مىندەتىمەن قاتار, ازاماتقا ءوز قاراجاتىن باسقارۋ قۇقىعىن بەرەتىن نەعۇرلىم جەتىلگەن ءارى ادىلەتتى جۇيەگە جاسالعان قادام بولىپ سانالادى.
ەاەو ەلدەرىنىڭ 100 مىڭنان استام ازاماتىنا زەينەتاقى جارناسى تولەندى