قايىرىمدىلىق قاراجاتىن جىمقىرعانى ءۇشىن سوتتالعان پەريزات قايراتتىڭ Mercedes-Benz S450 كولىگىن اۋكتسيونعا قويۋ تۋرالى حابارلاندىرۋ جاريالاندى, دەپ جازادى Egemen.kz.
قۇنى – 79 415 000 تەڭگەگە باعالانىپ وتىرعان كولىك 7 ءساۋىر كۇنى ساعات 10:00-دە ساتىلىمعا شىعارىلادى.
ازىرگە اتالعان اۆتوكولىكتى تەك مەملەكەتتىك مەكەمە نەمەسە مەملەكەتتىك كاسىپورىن رەتىندە تىركەلگەن زاڭدى تۇلعالار عانا ساتىپ الا الادى. ولاردىڭ قاتارىندا الەۋمەتتىك قىزمەت كورسەتەتىن جەتىم جانە اتا-اناسىنىڭ قامقورلىعىنسىز قالعان بالالارعا ارنالعان ءبىلىم بەرۋ مەكەمەلەرى, مەكتەپكە دەيىنگى جانە ورتا ءبىلىم ۇيىمدارى, ۋاقىتشا ورنالاستىرۋ ورتالىقتارى, سونداي-اق مەديتسينالىق-الەۋمەتتىك مەكەمەلەر بار.
ەگەر كولىك وسى ساناتتاعى ۇيىمدارعا بەرىلمەسە, كەيىن ول بارلىق نيەت بىلدىرۋشىلەر ءۇشىن اشىق ساۋداعا شىعارىلادى.
ەسكە سالايىق, 2025 جىلعى 25 شىلدەدە پەريزات قايرات 10 جىلعا باس بوستاندىعىنان ايىرىلعان. سونىمەن قاتار, ول قايىرىمدىلىق ءۇشىن تابىستالاتىن «شاپاعات» مەملەكەتتىك مەدالىنەن ايىرىلدى.
پەريزات قايراتتىڭ ادۆوكاتى اپەللياتسيالىق سوتقا شاعىم ءتۇسىردى
سوت ۇكىمىنە سايكەس, پەريزات قايرات پەن ونىڭ اناسى (وعان دا ايىپتاۋ ۇكىمى شىققان) 50 جابىرلەنۋشىنىڭ پايداسىنا جالپى سوماسى 1 ملرد 582 ملن تەڭگە كولەمىندە ماتەريالدىق شىعىندى وتەۋگە مىندەتتەلدى. بۇدان بولەك, ولار 22 ملن تەڭگە كولەمىندە مەملەكەتتىك باج سالىعىن جانە ارقايسىسى 698 مىڭ تەڭگەدەن سوت شىعىندارىن تولەۋى ءتيىس.