اقتوبەدە ناۋرىزناما اياسىندا «ەر ەدىگە» مەكتەبى حالىقارالىق مادەني جوبا ۇيىمداستىردى, دەپ جازادى Egemen.kz.
باستاما ۇلتتىق حالىق اۋىز ادەبيەتىنىڭ اسىل مۇراسى سانالاتىن جىراۋلىق ءداستۇردى ساقتاۋ, دامىتۋ جانە جاس ۇرپاق تاربيەسىندەگى رۋحاني ماڭىزىن ايقىنداۋ ماقساتىندا ۇيىمداستىرىلعان.
ءجۇز جىل بۇرىنعى جىر
ءىس-شارا اياسىندا 36 جىرشى جىردى بىرىنەن سوڭ ءبىرى ۇزدىكسىز 24 ساعات بويى ورىنداپ, ۇلتتىق جىراۋلىق ءداستۇردىڭ ومىرشەڭدىگىن دالەلدەدى. باعدارلاماعا «قىرىمنىڭ قىرىق باتىرى» ەپيكالىق تسيكلىنىڭ 31 000 جولدان تۇراتىن 36 داستانى جانە «پايعامبارلار قيسساسى» ەندى.
جىرلاۋ كونە ءداستۇرلى قۇرىلىم بويىنشا جۇرگىزىلىپ, ورىنداۋشىلار ءبىر-بىرىنەن ءىلىپ اكەتۋ ءتاسىلى ارقىلى ەپوستىڭ ۇزدىكسىزدىگىن ساقتادى.
ءداستۇر مەن تۇلعا: جىراۋلىق جولدىڭ ساباقتاستىعى
جىر جوباسىنا ازيا مەن افريكا ەلدەرى بويىنشا GBR الەمدىك رەكوردتار كىتابىنىڭ وكىلى جوبا ناتيجەسىن رەسمي تۇردە تىركەدى. ناتيجە تالاپتارعا سايكەس راستالىپ, جوبا الەمدىك رەكوردتار تىزىمىنە ەندى.