بيىل تامىز ايىندا استانا قالاسىندا جاساندى ينتەللەكت بويىنشا العاشقى حالىقارالىق وليمپيادا وتەدى. بۇل تۋرالى الەۋمەتتىك جەلىدە سپورتتىق باعدارلامالاۋ فەدەراتسياسىنىڭ باسشىسى باعدات مۋسين مالىمدەدى, دەپ حابارلايدى Egemen.kz.
ونىڭ ايتۋىنشا, بۇل ماڭىزدى ءىس-شارانى وتكىزۋ تۋرالى كەلىسىمگە قول قويىلعان. وليمپياداعا الەمنىڭ ۇزدىك جاس زياتكەرلەرى جينالادى.
«بۇل ءبىزدىڭ جاستارىمىزدىڭ ءبىلىم مەن تەحنولوگيانى يگەرۋگە جانە حالىقارالىق دەڭگەيدە باسەكەگە تۇسۋگە دايىن ەكەنىن دالەلدەيدى. فەدەراتسيا باسشىسى رەتىندە ءبىزدىڭ جاس مامانداردىڭ دەڭگەيى قارقىندى ءوسىپ جاتقانىن كورىپ وتىرمىن. قازىردىڭ وزىندە ولار الەمدىك تەحنولوگيالىق كومپانيالاردا سۇرانىسقا يە بولىپ, تسيفرلىق ەكونوميكاعا ۇلەس قوسىپ ءجۇر. بۇل – جۇيەلى جۇمىستىڭ ناتيجەسى: 2024 جىلى قازاقستان ICPC فينالىن قابىلدادى, ال 2025 جىلى ۇلتتىق قۇراما قىتايدا وتكەن جارىستا الەم بويىنشا ءتورتىنشى ورىن الدى», دەدى ول.
سونىمەن قاتار, باعدات مۋسين جاساندى ينتەللەكت جانە تسيفرلىق دامۋ ءمينيسترى جاسلان ماديەۆكە قولداۋ كورسەتكەنى ءۇشىن العىس ءبىلدىردى. ونىڭ سوزىنشە, مەملەكەت پەن جەكە سەكتوردىڭ ءوزارا ءتيىمدى جۇمىسى وسىنداي ناتيجەلەرگە جەتكىزىپ وتىر.
پرەزيدەنت: تسيفرلاندىرۋ مەن جاساندى ينتەللەكتىنىڭ دامۋىنا باسا ءمان بەرۋىمىز كەرەك
وليمپيادانىڭ قازاقستانعا بەرەر پايداسى رەتىندە ول جاھاندىق تالانتتار نارىعىنا تىكەلەي شىعۋ, جاڭا سەرىكتەستىكتەر مەن ينۆەستيتسيالار تارتۋ, كادر دايارلاۋ دەڭگەيىن ارتتىرۋ جانە ەلدىڭ تەحنولوگيالىق حاب رەتىندەگى بەدەلىن نىعايتۋدى اتادى.
«استانادا وليمپيادا وتكىزۋ – پرەزيدەنت جاريالاعان جاساندى ينتەللەكت جىلىنىڭ زاڭدى جالعاسى. بۇل ءبىزدىڭ دۇرىس باعىتتا كەلە جاتقانىمىزدىڭ دالەلى», دەپ جازدى باعدات مۋسين.
جاساندى ينتەللەكت ازىق-ت ۇلىك باعاسىن باقىلاۋعا كومەكتەسەدى