مينيسترلىك ەلىمىزدەگى ەڭ كوپ ساتىلاتىن دارىلەردى اتالدى

دەنساۋلىق ساقتاۋ مينيسترلىگىنىڭ مالىمەتىنشە, ساتىلىم بويىنشا ءبىرىنشى ورىندا – ەتيل ءسپيرتى. بارلىعى 4,1 ملن بىرلىك ساتىلعان. ەكىنشى ورىندا ناتري ءحلوريدى – 2,1 ملن بىرلىك.

ۇزدىك ۇشتىككە سونداي-اق قىزۋ تۇسىرەتىن ءدارى – پاراتسەتامول (1,75 ملن بىرلىك) كىردى. ءتورتىنشى ورىندا اتسەتيلساليتسيل قىشقىلى (1,5 ملن-نان استام), ال بەسىنشى ورىندا مۇرىن بىتەلۋىنە قارسى قولدانىلاتىن نافازولين تۇر.

سۇرانىس جوعارى بولعان دارىلەر قاتارىندا «تسيترامون پ» (1,23 ملن-نان استام) بار. سونداي-اق ۇزدىك وندىققا مەنوۆازين (897 مىڭ), تۇماۋ مەن سۋىق تيۋگە قارسى «تەرافليۋ», بەلسەندىرىلگەن كومىر (636 مىڭ) جانە فۋراتسيلين (623 مىڭ) ەندى.

ءتورت فارماتسەۆتيكالىق زاۋىت سالىنادى

تسيفرلىق تاڭبالاۋ اياسىندا ءاربىر ءدارى قاپتاماسىنا بىرەگەي Data Matrix كودى بەرىلەدى. تۇتىنۋشى, ءدارىحانا نەمەسە تەكسەرۋشى ورگان بۇل كود ارقىلى ءدارىنىڭ تۇپنۇسقالىعىن Naqty Onim ءموبيلدى قوسىمشاسى ارقىلى بىردەن تەكسەرە الادى.

مينيسترلىكتىڭ مالىمەتىنشە, تاڭبالاۋ جۇيەسى ءاربىر ءدارى قاپتاماسىنىڭ وندىرۋشىدەن سوڭعى تۇتىنۋشىعا دەيىنگى قوزعالىسىن ناقتى ۋاقىت رەجيمىندە باقىلاۋعا مۇمكىندىك بەرەدى. ۇسىنىلعان ستاتيستيكا دارىحانالارداعى بولشەك ساۋدانى كورسەتەدى. سونىمەن قاتار, بۇل جۇيە اتالعان دارىلەردىڭ بارلىعى زاڭدى اينالىمنان وتكەن تۇپنۇسقا ءونىم ەكەنىن كەپىلدەيدى.

ۆەدومستۆونىڭ ايتۋىنشا, بۇل زاڭدى ساۋدا اينالىمىندا جالعان دارىلەردىڭ ساتىلۋىن تەحنيكالىق تۇرعىدان مۇمكىن ەمەس ەتەدى.

 شىمكەنت فارماتسەۆتيكاسىنا 39,5 ملرد تەڭگە ينۆەستيتسيا قۇيىلادى