قىزىلوردا وبلىسىندا جالعان ەڭبەككە جارامسىزدىق پاراعىن قولدانۋ دەرەگى بويىنشا سانيتاريالىق قىزمەتكەر مەن دارىگەرگە قاتىستى سوت ۇكىمى شىقتى. بۇل زاڭبۇزۋشىلىق پروكۋراتۋرا جۇرگىزگەن تەكسەرۋ بارىسىندا انىقتالعان, دەپ حابارلايدى Egemen.kz.
وبلىس پروكۋراتۋراسى سانيتاريالىق-ەپيدەميولوگيالىق باقىلاۋ دەپارتامەنتىنىڭ قىزمەتىن زەردەلەۋ كەزىندە لاۋازىمدى تۇلعانىڭ قىلمىستىق قۇقىق بۇزۋشىلىق جاساعانىن اشكەرەلەدى. ناقتىراق ايتقاندا, سىرداريا اۋداندىق سانيتاريالىق-ەپيدەميولوگيالىق باقىلاۋ باسقارماسىنىڭ ءبولىم باسشىسى اكىمشىلىك قۇقىق بۇزۋشىلىق ءۇشىن 15 تاۋلىككە قاماۋعا الىنعان.
الايدا مەملەكەتتىك قىزمەتشى جۇمىستا بولماعان ۋاقىتىن جاسىرىپ, ونى زاڭداستىرۋ ماقساتىندا باسشىلىققا جالعان ۋاقىتشا ەڭبەككە جارامسىزدىق پاراعىن ۇسىنعان. تەرگەۋ بارىسىندا اتالعان قۇجاتتىڭ جالعان ەكەنى انىقتالىپ, ونى سىرداريا اۋداندىق اۋرۋحاناسىنىڭ دارىگەرى قولدان جاساپ بەرگەنى بەلگىلى بولدى.
پروكۋرورلىق تەكسەرۋ ماتەريالدارى نەگىزىندە سوتقا دەيىنگى تەرگەپ-تەكسەرۋ باستالىپ, ءىس سوتقا جولدانعان.
اقتوبەدە پروكۋرور ۇستالدى: شەنەۋنىك 10 ملن تەڭگە پارا الدى دەگەن كۇدىككە ءىلىندى
سوت ۇكىمىمەن اۋداندىق اۋرۋحانا دارىگەرى قىلمىستىق كودەكستىڭ 385-بابى 1-بولىگى بويىنشا كىنالى دەپ تانىلىپ, وعان 1 جىل مەرزىمگە بوستاندىعىن شەكتەۋ جازاسى تاعايىندالدى.
ال ءبولىم باسشىسى كورىنەۋ جالعان قۇجاتتى پايدالانعانى ءۇشىن قك-ءنىڭ 385-بابى 3-بولىگىمەن كىنالى دەپ تانىلىپ, وعان 20 ايلىق ەسەپتىك كورسەتكىش كولەمىندە ايىپپۇل سالىندى.
سوت ۇكىمى زاڭدى كۇشىنە ەندى.
دەپۋتات ەكس-شەنەۋنىكتەردىڭ دۋبايداعى مۇلكىنە قۇقىقتىق باعا بەرۋدى تالاپ ەتتى