ەركىن كۇرەس شەبەرى ريزابەك ايتمۇحان 23 جاسقا دەيىنگى سپورتشىلار اراسىندا وتكەن قازاقستان چەمپيوناتىندا 125 كەلىگە دەيىنگى سالماق دارەجەسىندە جەڭىمپاز اتاندى, دەپ حابارلايدى Egemen.kz.
تاراز قالاسىندا ءوتىپ جاتقان كۇرەس تۇرلەرىنەن U15 جانە U23 قازاقستان چەمپيوناتى جالعاسىن تابۋدا.
بۇگىن, 23 جاسقا دەيىنگى ەرلەر اراسىندا ەركىن كۇرەستەن 125 كگ سالماقتا جەڭىمپازدار انىقتالدى.
الەم چەمپيونى جانە ازيا چەمپيونى ريزابەك ايتمۇحان بۇل جولعى ەل چەمپيوناتىندا جاڭا سالماقتا باق سىنادى.
قورىتىندىسىندا, ريزابەك اقتىق سىندا ءالىمجان ءسالىمجاندى مەرزىمىنەن بۇرىن جەڭىپ, 125 كەلى سالماقتا قازاقستان چەمپيونى اتاندى.
ايتا كەتەيىك, بۇعان دەيىن تبيليسي قالاسىندا (گرۋزيا) دزيۋدودان Grand Slam سەرياسىنىڭ كەزەكتى ءتۋرنيرى وتەتىنىن حابارلاعان ەدىك.