17 جاسار داستان ساتپاەۆ قازاقستان پرەمەر-ليگاسىنىڭ ماڭىزدى ويىنى «اقتوبەمەن» كەزدەسۋدە كومانداسىنا جەڭىس سىيلادى. ويىننىڭ ەكىنشى تايمىندا الاڭعا شىققان جاس شابۋىلشى 76-مينۋتتا قارسىلاسىنان دوپتى تارتىپ الىپ, ءدال سوققىمەن ەسەپ اشتى. بۇل – ونىڭ جاڭا ماۋسىمداعى العاشقى گولى, دەپ حابارلايدى Egemen.kz.
يسپانيانىڭ Mundo Deportivo باسىلىمىنىڭ ءتىلشىسى حاۆەر الفارو ساتپاەۆتىڭ ويىنىن جوعارى باعالاپ:
«داستان ساتپاەۆ ەكى اياقتى دا تابيعي تۇردە قولدانادى, قىسقا كومبيناتسيالىق ويىندا دا ءمىنسىز ارەكەت ەتەدى. شىنايى الماز, وڭدەلمەگەن كۇيىندە», دەگەن پىكىر ءبىلدىردى.
ايتا كەتەيىك, داستان ساتپاەۆتىڭ قۇقىقتارى لوندوننىڭ چەلسي كلۋبىنا تيەسىلى. ول انگلياعا 18 جاسقا تولعاننان كەيىن, ياعني 2026 جىلدىڭ 12 تامىزىندا اۋىسۋى مۇمكىن.
«اتىراۋ» فۋتبول كلۋبىنىڭ ساپىنا نيگەريالىق لەگيونەر قوسىلدى
وتكەن ماۋسىمدا ساتپاەۆ چەمپيوندار ليگاسىنىڭ نەگىزگى كەزەڭىندە گول سوققان العاشقى قازاقستاندىق, سونداي-اق قازاقستان قۇراماسىنىڭ تاريحىنداعى ەڭ جاس گول اۆتورى اتاندى (الەم چەمپيوناتىنىڭ ىرىكتەۋ ويىندارىندا بەلگياعا قارسى ماتچ). وتكەن ماۋسىمدا ونىڭ ەسەبىندە جالپى 20 گول جانە 8 پاس بار: قازاقستان پرەمەر-ليگاسىندا 14+7, ليگا چەمپيوندارىنىڭ ىرىكتەۋ كەزەڭىندە 3+1, جالپى كەزەڭدە ءبىر گول جانە قازاقستان كۋبوگىندا ءبىر گول.
ەڭ قىمبات فۋتبولشى: «بولونيا» كلۋبى ومار مۇرادوۆتى رەكوردتىق سوماعا ساتىپ الدى