ازەربايجان رەسپۋبليكاسىنىڭ ورتالىق سايلاۋ كوميسسياسىنىڭ توراعاسى پاناحوۆ مازاير ماگوممەدوگلى بۇگىن قازاقستانداعى رەفەرەندۋمنىڭ ءوتۋ بارىسىن ءوزى باقىلاپ ءجۇر, دەپ حابارلايدى Egemen.kz.
دەلەگاتسيا وسى ۋاقىتقا دەيىن 50 سايلاۋ ۋچاسكەسىندە بولىپ ۇلگەردى. ساپار بارىسىندا داۋىس بەرۋ پروتسەسى جوعارى دەڭگەيدە ۇيىمداستىرىلعانى اتاپ ءوتىلدى. ياعني بارلىق ۋچاسكەلەر قاجەتتى جابدىقتارمەن قامتاماسىز ەتىلگەن, سانيتارلىق جانە تەحنيكالىق تالاپتار ساقتالعان, ال داۋىس بەرۋ تىنىش ءارى رەتتەلگەن جاعدايدا ءوتىپ جاتىر.
ازەربايجاندىق باقىلاۋشى رەفەرەندۋمعا وڭ باعا بەردى
ۋچاسكەلەردە جۇمىس ىستەپ جاتقان باقىلاۋشىلار دا ۇيىمداستىرۋ دەڭگەيىنىڭ جوعارى ەكەنىن جانە قىزمەتكەرلەردىڭ جاقسى دايىندالعانىن اتاپ ءوتتى. بارلىق تەحنيكالىق جانە ۇيىمداستىرۋشىلىق ماسەلەلەر باقىلاۋدا, بۇل ازاماتتاردىڭ ءوز داۋىسىن قاۋىپسىز ءارى قولايلى جاعدايدا بەرۋىنە مۇمكىندىك بەرەدى.
رەفەرەندۋمدا داۋىس بەرۋشىلەردىڭ سانى 6 ميلليوننان استى