اتىراۋ گارنيزونىنداعى اسكەري ءبولىمنىڭ مەرزىمدى اسكەري قىزمەتشىسى اتىس جاتتىعۋلارى كەزىندە وق جاراقاتىن الدى. بۇل تۋرالى قورعانىس مينيسترلىگىنىڭ ءباسپاسوز قىزمەتى حابارلادى, دەپ حابارلايدى Egemen.kz.
قايعىلى وقيعا 12 ناۋرىزدا بولعان.
«الدىن الا مالىمەتتەر بويىنشا, وقيعا قارۋمەن ابايسىز جۇمىس ىستەۋدىڭ سالدارىنان بولۋى مۇمكىن. اسكەري قىزمەتشى دەرەۋ مەديتسينالىق مەكەمەگە جەتكىزىلىپ, وعان قاجەتتى مەديتسينالىق كومەك كورسەتىلدى. الايدا دارىگەرلەردىڭ بارلىق كۇش-جىگەرىنە قاراماستان, ونىڭ ءومىرىن ساقتاپ قالۋ مۇمكىن بولمادى», دەلىنگەن حابارلامادا.
ىشكى ىستەر مينيسترلىگىنىڭ اسكەري-تەرگەۋ باسقارماسى قىلمىستىق ءىس قوزعادى. وقيعانىڭ بارلىق سەبەپتەرى مەن ءمان-جايىن انىقتاۋ ءۇشىن سوتقا دەيىنگى تەرگەۋ جۇرگىزىلىپ جاتىر.
وقيعا ورنىنا قورعانىس ءمينيسترىنىڭ ورىنباسارى باستاعان ارنايى كوميسسيا جىبەرىلدى. ول جان-جاقتى تەكسەرۋ جۇرگىزەدى. تەرگەۋ بارىسى قازاقستان رەسپۋبليكاسىنىڭ باس اسكەري پروكۋراتۋراسىنىڭ باقىلاۋىندا.
قارۋلى كۇشتەر باسشىلىعى قازا تاپقان اسكەري قىزمەتشىنىڭ تۋىستارى مەن جاقىندارىنا كوڭىل ايتتى. قورعانىس مينيسترلىگىنىڭ مالىمەتىنشە, ونىڭ وتباسىنا قاجەتتى كومەك پەن قولداۋ كورسەتىلەدى.
ايتا كەتەيىك, اباي وبلىسىندا 5 ناۋرىزدا اسكەري تەحنيكانى پايدالانۋ كەزىندە اۋىر جاراقات العان اسكەري قىزمەتشى كوز جۇمدى.