شەتەلدەگىدەن ەش كەم ەمەس

وبلىس كاسىپكەرلەرىنىڭ فورۋمىندا 10 مەموراندۋم مەن كەلىسىمگە قول قويىلدى

ەلباسى وتاندىق ونىمگە باسىمدىق بەرۋ, قازاقستاندىق ۇلەستى ارتتىرۋ جايىنا ۇنەمى كوڭىل ءبولىپ كەلەدى. ۇكىمەتتىڭ كەڭەيتىلگەن وتىرىسىندا «نۇرلى جول» باعدارلاماسىن جۇزەگە اسىرۋ شەڭبەرىندە «قازاقستاندا جاسالعان!» اكتسياسى باستالاتىنىن مالىمدەپ, بارشا ازاماتتاردى وسى كۇردەلى جاعدايدا پاتريوت بولىپ, وتاندىق ونىمدەردى ساتىپ الۋعا شاقىردى. پرەزيدەنتتىڭ باس­تاماسى قىزىلجار وڭىرىندە دە قىزۋ قولداۋ تاۋىپ, جەر-جەرلەردە وتكىزىلگەن شارالار بارىسىندا قازاقستاندىق ازىق-ت ۇلىك تاعامدارى مەن تاۋارلارعا ۇلكەن سۇرانىستىڭ بارى اڭعارىلدى. يگى ءىس «سەۆەرنىي» گيپەرماركەتىندە باستاۋ الىپ, وبلىستا شىعارىلاتىن ونىمدەردىڭ مولدىعىمەن, باعالاردىڭ قول­جەتىمدىلىگىمەن ەرەكشەلەندى. – «فرەگات», «لەونتەۆ», «سبي-اگرو», «شاروۆ», «كازمياس­و­پرودۋكت», «مولپرودۋكت», «ماسلو­دەل» سەكىلدى سىرتقى نارىققا دا ساپالى ونىمدەر جونەلتىپ جۇرگەن تاۋار وندىرۋشىلەرىمىز جۇرتشىلىققا اركەز ساپالى ەت, ءسۇت ونىمدەرىن ۇسىنادى,– دەيدى ساتۋشى وكسانا لەدنەۆا. وزىمىزدە شىعارىلاتىن ءونىم­دەردىڭ ءوتىمدى ەكەنىن «سولتۇستىك» الەۋمەتتىك- كاسىپكەرلىك كورپوراتسيا­سى ۇيىمداستىرعان كوممۋنالدىق ازىق-ت ۇلىك تاۋارلارى جارمەڭكەسى دە انىق بايقاتتى. تۇتىنۋشىلاردان «رەسەيلىك شۇجىقتاردىڭ قوسپا­سى كوپ بولاتىندىقتان, ءبىرىنشى كەزەكتە ءوز ونىمدەرىمىزدى تاڭدايمىز. قوستانايدىڭ «بايان سۇلۋ» كامپيتتەرى تاتتىلىگىمەن ءتىل ۇيىرەدى. بالىق تا, جۇمىرتقا دا, بال دا, ۇن دا, جارما دا وزىمىزدىكى جانە اناعۇرلىم ساپالى», دەگەن جىلى سوزدەردى ءجيى ەستىدىك. ەلباسىنىڭ قازاقستاندا جاسالعان ونىمدەرگە دەگەن سۇرانىستى ارتتىرۋ جونىندەگى باستاماسىنا وراي ايماق باسشىسى ەرىك سۇلتانوۆ ءوڭىر تۇرعىن­دارىن وتاندىق ونىممەن قامتاماسىز ەتۋ بارىسىن بايقاۋ ماقساتىمەن ءىرى ساۋدا ورىندارىن ارالاپ, سۇرانىستىڭ زور ەكەنىنە كوز جەتكىزدى. ال, م.قوزىباەۆ اتىنداعى سقمۋ-ءدىڭ ءماجىلىس زالىندا وتكەن وبلىس كاسىپكەرلەرىنىڭ «قازاقستاندا جاسالعان!» ايماق­تىق فورۋمىنا «NADLoC» اگەنت­تىگىنىڭ, ۇلتتىق كاسىپكەرلەر پالاتاسىنىڭ, كومپانيالاردىڭ, حولدينگتەردىڭ, ۆەدومستۆولاردىڭ, دامۋ ينستيتۋتتارىنىڭ وكىلدەرى, كاسىپورىنداردىڭ باسشىلارى مەن جەكە كاسىپكەرلەر قاتىستى. ەرىك حامزا ۇلى جينالعاندارعا ارناعان قۇتتىقتاۋىندا مەملەكەت باسشىسى وتاندىق تاۋار ءوندىرىسىن دامىتۋ مىندەتىن قويعانىن, بارشامىز ءۇشىن قازاقستاندىق ۇلەستى ارتتىرۋ ماڭىزدى ماسەلە بولىپ تابىلاتىنىن اتاپ كورسەتتى. وبلىس اكىمىنىڭ ورىنباسارى ەرلان اۋكەنوۆ وڭىردە قازاقستاندىق مازمۇندى قامتاماسىز ەتۋ جانە كاسىپكەرلىكتى دامىتۋ بويىنشا اتقارىلىپ جاتقان جۇمىستار جايى­ندا باياندادى. بۇگىندە ساۋدا جەلىلەرىندە وتاندىق تاۋارلار سەكتسياسى جۇمىس ىستەيدى. وڭىردە وندىرىلەتىن تاۋارلاردىڭ, جۇمىستار مەن قىزمەتتەردىڭ سانى مەن ساپاسىن ارتتىرۋعا باعىتتالعان جۇيەلى شارالار كەڭىنەن ۇيىمداستىرىلىپ كەلەدى. ناتيجەسىندە قولداۋ تاپقان جوبالار سانى 13,2 ميلليارد تەڭگەنى قۇراعان. 5 زاۋىتقا 22 ميلليارد تەڭگەنىڭ تاپسىرىسى ورنالاستىرىلعان. 10 كاسىپورىن ۇزاق مەرزىمدى كەلىسىم جاساسقان. بۇدان تىسقارى شاعىن جانە ورتا بيزنەستى قولداۋ ماقساتىمەن جەكە ءىس-شارالار جوسپارى قابىلدانىپ, 10 ميلليارد تەڭگە قاراستىرىلعان. قايتا جاڭعىرۋ جۇرگىزىلگەننەن كەيىن «مولپرودۋكت» جشس ءوز ونىمدەرىن ەكسپورتتاي باستادى. «سۇلتان» اق 4 ەلدىڭ نارىعىمەن تىعىز قارىم-قاتىناس ورناتقان. ۇكىمەت تاپسىرماسى بويىنشا قىتايلىق كومپانيالارمەن 6 جاڭا ءوندىرىس ورنى قۇرىلادى. قازاقستاندىق مازمۇندى قامتاماسىز ەتۋگە تاۋ-كەن ورنىن پايدالانۋشىلار دا جۇمىلدىرىلادى. وعان «اۋليە گولد ماينينگ» بىرلەسكەن كومپانياسىن مىسالعا كەلتىرۋگە بولادى. ءبىر جىلدان ارتىق توقتاپ تۇرعان 9 ءوندىرىس ورنى قالپىنا كەلتىرىلگەن. بيىل تاعى 13-ءى ىسكە قوسىلادى. يندۋستريالاندىرۋ كارتاسىنىڭ ەكىنشى بەسجىلدىعىنا 23 ميلليارد تەڭگەنىڭ 26 جوباسى ەنگىزىلگەن. قۇرىلىس, ەنەرگەتيكا, تكش, كولىك جانە اۆتوجولدار سالاسىندا 107 نىساننىڭ جۇمىسى جاڭعىرتىلادى. اتقارىلعان پارمەندى جۇمىستاردىڭ ارقاسىندا وتكەن جىلعا قاراعاندا قازاقستاندىق مازمۇننىڭ ۇلەسى 34 پايىزدان 89 پايىزعا دەيىن ۇلعايعان. «بيزنەستىڭ جول كارتاسى-2020» باعدارلاماسى اياسىندا 200 جوبا پايدالانۋعا بەرىلگەن. سوڭعى ەكى ايدا كاسىپورىندار 23 ميلليارد تەڭگەنىڭ ونىمدەرىن شىعارعان. 25 مىڭعا جۋىق كاسىپ­كەرلىك سۋبەكتىلەرىنە 110 مىڭ ادام تارتىلعان. «نارمس «NADLoC» اق باسقار­ماسى توراعاسىنىڭ ورىنباسارى گۇلميرا ۋاحيتوۆا جەرگىلىكتى تاۋ­ار وندىرۋشىلەردى قولداۋ شارالارى تۋرالى ويلارىمەن ءبولىستى. «قتج»ۇك» اق-تىڭ ءبىرىنشى ۆيتسە-پرەزيدەنتى باۋىرجان ورىنباساروۆ وبلىس كاسىپورىندارىمەن 7 ميلليارد تەڭگەنىڭ تاپسىرىسىنا كەلىسىم جاسالعانىن, ەكىنشى جارتىجىلدىقتا 11 ميللليارد تەڭگەگە جەتكىزۋ كوزدەلىپ وتىرعانىن جەتكىزدى. پلەنارلىق وتىرىستان كەيىن ءوزارا ىنتىماقتاستىق تۋرالى 10 كەلىسىم مەن مەموراندۋمعا قول قويىلدى. ءومىر ەسقالي, «ەگەمەن قازاقستان». سولتۇستىك قازاقستان وبلىسى. سۋرەتتى تۇسىرگەن تالعات تانىباەۆ.