مەملەكەت باسشىسى قاسىم-جومارت توقاەۆ بارلىق دەڭگەيدەگى ءماسليحات دەپۋتاتتارىنىڭ ءىىى رەسپۋبليكالىق فورۋمىندا ايماقتار ءوز بيۋدجەتىن مۇقيات جوسپارلاپ, تابىسىن ارتتىرۋعا باسا ءمان بەرۋگە ءتيىس ەكەنىن اتاپ ءوتتى, دەپ جازادى Egemen.kz.
ء«بىز جەرگىلىكتى بيلىكتىڭ الەۋەتىن جانە ايماقتاردىڭ قارجىلىق دەربەستىگىن بىرتىندەپ كۇشەيتىپ جاتىرمىز. بىلتىر اۋىلدىق وكرۋگتەردىڭ بيۋدجەتى 442 ميلليارد تەڭگەدەن استى. بۇل قاراجاتتىڭ ۇشتەن ءبىرى – ەلدى مەكەندەردىڭ ءوز تابىسى. ونىڭ ۇستىنە, ەلىمىزدەگى اۋىلدىق وكرۋگتەردىڭ ورتاشا بيۋدجەتى 190 ميلليون تەڭگەگە جەتتى. بۇل – ەداۋىر جاقسى كورسەتكىش. بيىلدان باستاپ اۋىلدىق وكرۋگتەر قوسىمشا تابىس كوزىنە يە بولماق. اتاپ ايتقاندا, كەڭ تارالعان پايدالى قازبالار وندىرىسىنە, جەراستى سۋلارى مەن ەمدىك بالشىقتاردى پايدالانۋعا سالىناتىن سالىقتى وزدەرى جيناپ, قاجەتىنە جاراتادى», دەدى مەملەكەت باسشىسى.
پرەزيدەنت ءوز سوزىندە قازىر ۇكىمەت زاڭدى تۇلعالارعا جانە جەكە كاسىپكەرلەرگە سالىناتىن م ۇلىك سالىعىنىڭ ءبىر بولىگىن ءتورتىنشى دەڭگەيدەگى بيۋدجەتتەرگە بەرۋ ماسەلەسىن پىسىقتاپ جاتقانىن جەتكىزدى.
«سونداي-اق ايماقتارعا جەكەلەگەن قىزمەت تۇرىمەن اينالىسۋعا ارنالعان ليتسەنزيالىق الىمنان, ەكولوگيالىق ايىپپۇلداردان تۇسەتىن قاراجات تا بەرىلۋى مۇمكىن. بۇل – وتە دۇرىس ۇستانىم. تۇسكەن تابىس, ەڭ الدىمەن, سول ايماقتى دامىتۋعا جۇمسالۋى كەرەك. ءبىر سوزبەن ايتقاندا, جەرگىلىكتى جەردە قوردالانعان ماسەلەلەردى شەشۋ ءۇشىن مۇمكىندىك تە, رەسۋرس تا ارتا تۇسپەك», دەدى قاسىم-جومارت توقاەۆ.
توقاەۆ: وكىلدى ورگانداردى كۇشەيتۋ مەملەكەتتىك ساياساتتىڭ نەگىزگى باسىمدىعى بولىپ قالا بەرەدى