2026 جىلى قازاقستاندا تۇرعىن ءۇي قۇرىلىسىن دامىتۋعا شامامەن 2,4 ترلن تەڭگە باعىتتالعان. بۇل تۋرالى «بايتەرەك» ۇلتتىق ينۆەستيتسيالىق حولدينگىنىڭ (ۇيح) باسقارما توراعاسىنىڭ ءبىرىنشى ورىنباسارى نۇربولات ايداپكەلوۆ ۇكىمەت وتىرىسىندا مالىمدەدى, دەپ حابارلايدى Egemen.kz.
نۇربولات ايداپكەلوۆتىڭ مالىمدەۋىنشە, مەملەكەت باسشىسىنىڭ تاپسىرماسى بويىنشا بايتەرەك حولدينگى ءوزىنىڭ ەنشىلەس ۇيىمدارى – قازاقستان تۇرعىن ءۇي كومپانياسى جانە «وتباسى بانك» ارقىلى تۇرعىن ءۇي قۇرىلىسىن قولداۋدا بەلسەندى جۇمىس اتقارعان. 2025 جىلى وسى قۇرىلىمدار ارقىلى تۇرعىن ءۇي قۇرىلىسىنا جالپى 2,35 ترلن تەڭگە باعىتتالعان.
«قازاقستان تۇرعىن ءۇي كومپانياسىنىڭ اعىمداعى قارجى كوزدەرى مەن نارىقتىق قارىزدار ەسەبىنەن تۇرعىن ءۇي قۇرىلىسىن قولداۋعا بولىنگەن سوما – 707,5 ملرد تەڭگە», دەدى ول.
بۇل قاراجات 3 ملن شارشى مەتر تۇرعىن ءۇيدى نەمەسە 35,6 مىڭ پاتەردى پايدالانۋعا بەرۋگە مۇمكىندىك بەرگەن. ەل بويىنشا كوپپاتەرلى تۇرعىن ءۇيدى ىسكە قوسۋدا كومپانيانىڭ ۇلەسى – 22%.
استانادا ۇلەسكەرلەردى الداعان تۇرعىن ءۇي كەشەندەرىنە قاتىستى قىلمىستىق ءىس قوزعالدى
سونىمەن قاتار 238,2 ملرد تەڭگە كولەمىندەگى وبليگاتسيالىق قارىزدار نارىقتىق شارتتارمەن تارتىلىپ, وڭىرلەرگە باعىتتالعان, ونىڭ ىشىندە:
جالعا بەرىلەتىن تۇرعىن ۇيگە 150,4 ملرد تەڭگە; ينجەنەرلىك ينفراقۇرىلىمدى جۇرگىزۋگە 87,8 ملرد تەڭگە.كرەديتتىك تۇرعىن ءۇيدى قارجىلاندىرۋ شەڭبەرىندە 140,2 ملرد تەڭگەگە اكىمدىكتەردىڭ باعالى قاعازدارى ساتىپ الىنعان. وسىلايشا, اعىمداعى كوزدەر مەن نارىقتىق قاراجاتتى ارالاستىرۋ ارقىلى 1,8 ملن شارشى مەتر نەمەسە كەزەكتە تۇرعاندار ءۇشىن 23 مىڭعا جۋىق الەۋمەتتىك پاتەر بەلگىلەنگەن باعامەن بەرىلگەن.
بيىل ەلىمىزدە 18,5 ملن شارشى مەتر تۇرعىن ءۇي سالىنادى
بيىلعى جىلى قازاقستان تۇرعىن ءۇي كومپانياسى ارقىلى قولداۋ سوماسى 700 ملرد تەڭگەدەن اسىپ, شامامەن 2,2 ملن شارشى مەتر تۇرعىن ءۇي تاپسىرىلادى. تۇرعىن ءۇي قۇرىلىس جيناقتارى جۇيەسى بويىنشا 2025 جىلى «وتباسى بانك» حالىققا جالپى سوماسى 1 ترلن 645 ملرد تەڭگەگە 77 148 قارىز بەرگەن.
«2026 جىلى 70 مىڭنان استام وتباسىعا «وتباسى بانكتىڭ» بارلىق باعدارلامالارى بويىنشا جەڭىلدەتىلگەن يپوتەكالىق كرەديت ارقىلى 1 ترلن 630 ملرد تەڭگە سوماسىنا يپوتەكالىق قارىزدار بەرىلەدى. وسىلايشا, «بايتەرەك» حولدينگى 2026 جىلى تۇرعىن ءۇي قۇرىلىسىنا شامامەن 2,4 ترلن تەڭگە سوماسىندا قولداۋ كورسەتەدى», دەدى نۇربولات ايداپكەلوۆ.
تۇرعىن ءۇي ەرەجەسى تۇبەگەيلى وزگەردى؟