بۇگىندە الەمدىك تەحنولوگيالىق الپاۋىت كومپانيالاردا ەڭبەك ەتەتىن قازاق جاستارىنىڭ سانى ارتىپ كەلەدى. سولاردىڭ ءبىرى – شىمكەنتتە دۇنيەگە كەلگەن نۇرلى كۇزدىكباي.
قازىر ول لوندوندا ورنالاسقان «Amazon» كومپانياسىندا داتا-اناليتيك بولىپ جۇمىس ىستەيدى. قۇرىلىس ينجەنەرياسى ماماندىعى بويىنشا ءبىلىم العان نۇرلى ۋاقىت وتە كەلە قىزىعۋشىلىعى باسقا باعىتتا ەكەنىن ءتۇسىنىپ, ءىت سالاسىنا بەت بۇرعان. نۇرلى داتا-اناليتيكا نەگىزدەرىن ءتۇرلى ونلاين كۋرس ارقىلى مەڭگەرگەن. قىسقا ۋاقىت ىشىندە بىرنەشە جوبا جاساپ, كاسىبي پورتفوليوسىن قالىپتاستىردى.