8 ناۋرىز – حالىقارالىق ايەلدەر كۇنى قارساڭىندا ۇلتتىق ۇلانىنىڭ ساربازدارى انالارىن ەرەكشە تاسىلمەن قۇتتىقتادى. ساربازدارىنا انالارىنا تەلەفون ارقىلى حابارلاسىپ, جۇرەكجاردى لەبىزدەرىن جەتكىزۋگە مۇمكىندىك بەرىلدى, دەپ حابارلايدى Egemen.kz.
اسكەردەگى ۇلىنان توسىن قوڭىراۋ العان انالار بۇل ءساتتى كۇتپەگەنىن ايتىپ, ەموتسيالارىنا ەرىك بەردى. كەيبىرى كوز جاسىنا يە بولا الماي, پەرزەنتىنە دەگەن ساعىنىشى مەن انالىق مەيىرىمىن جەتكىزدى.
8 ناۋرىز مەرەكەسىنە وراي استانادا قانداي ءىس-شارالار وتەدى؟
ۇلتتىق ۇلاندا قىزمەت ەتىپ جۇرگەن جاس ساربازدار ءۇشىن دە بۇل ەرەكشە ءسات بولدى. ولار اسكەري قىزمەت بارىسىندا ءاردايىم قولداۋ ءبىلدىرىپ, سەنىم ارتقان انالارىنا العىس ايتىپ, مەرەكەمەن قۇتتىقتادى.
8 ناۋرىز قارساڭىندا پويىزداعى ايەلدەرگە سىيلىقتار تاراتىلدى
قاتارداعى جاۋىنگەر سايات قويشىباەۆتىڭ ايتۋىنشا, اناسىنا جىلى ءسوز ايتۋ – ءار پەرزەنتتىڭ پارىزى.
«اسكەري قىزمەتكە كەلگەننەن بەرى انامدى قاتتى ساعىندىم. ول ءاردايىم ماعان قولداۋ كورسەتىپ, سەنىم بىلدىرەدى. بۇگىن تەلەفون ارقىلى حابارلاسىپ, مەرەكەمەن قۇتتىقتاپ, جاقسى كورەتىنىمدى ايتۋ مەن ءۇشىن ەرەكشە ءسات بولدى. بۇل ءسوزدى بۇرىن ايتىپ كورمەپپىن. بارلىق انالارعا زور دەنساۋلىق, ۇزاق عۇمىر تىلەيمىن», دەدى سارباز.
مۇنداي شارالار ساربازداردىڭ رۋحىن كوتەرىپ قانا قويماي, ولاردىڭ وتباسى مۇشەلەرىمەن بايلانىسىن نىعايتۋعا دا ىقپال ەتەدى. قۇقىقتىق ءتارتىپ اسكەرلەرىنىڭ اسكەري بولىمدەرىندە تۇراقتى تۇردە ءتۇرلى ءىس-شارالار مەن اكتسيالار وتكىزىلىپ تۇرادى. سونىڭ ىشىندە اتا-انالار مەن اسكەري قىزمەتشىلەردىڭ وتباسى مۇشەلەرىنە ارنالعان اشىق ەسىك كۇندەرى ۇيىمداستىرىلىپ, ولار ساربازداردىڭ تۇرمىس-تىرشىلىگىمەن تانىسا الادى.
8 ناۋرىز قارساڭىندا كوپبالالى انالارعا بەرىلەتىن جاردەماقى مولشەرى قانداي؟