قوس ەمحانا قۇرىلىسى باستالدى

ءوڭىر باسشىسى جينالعان جۇرت­شىلىقتى جاڭا نىسان قۇرى­لىسى­نىڭ باستالۋىمەن قۇتتىقتاپ, ءوڭىر­دىڭ دەنساۋلىق ساقتاۋ سالاسىندا اتقا­رىل­عان اۋقىمدى جۇمىستى سارالاپ ءوتتى.

ەلىمىزدىڭ الەۋمەتتىك ساياساتتا­عى باسىم باعىتتارىنىڭ ءبىرى – مەدي­تسينالىق قىزمەت ساپاسىن ارتتىرۋ. قۇرىلىسى باستالىپ جاتقان جاڭا ەمحانا تيتوۆ شاعىن اۋدانىنداعى 40 مىڭنان استام تۇرعىنعا قىزمەت كورسەتەدى. №5 قالالىق ەمحانانىڭ جاڭا عيماراتىن سالۋعا 9 ملرد 823 ملن تەڭگە جۇمسالىپ وتىر. اۋماعى 9 مىڭ شارشى مەترگە جەتەتىن نىسان زاماناۋي تالاپتارعا ساي جوعارى ساپالى تەحنولوگيالارمەن جابدىقتالادى.

«بۇل – انا مەن بالا ءومىرىن ساق­تاۋعا, قازىنالى قارتتارىمىزدىڭ دەنساۋلىعىن جاقسارتۋعا باعىتتال­عان مەملەكەت قولداۋى. الداعى ۋا­قىت­ت­ا دا ءوڭىر حالقىنىڭ ءومىر ساپاسىن ارتتىرۋعا ارنالعان كەشەندى جۇ­مىس جالعاسادى», دەدى وبلىس اكىمى.

قالانىڭ سول جاعالاۋىنان سالىناتىن 500 كەلۋشىگە ارنالعان ەكىنشى ەمحانا تۇرعىندارعا امبۋلا­توريالىق-ەمحانالىق, دياگنوس­تيكا­لىق, كۇندىزگى ستاتسيونارلىق مە­دي­تسينالىق قىزمەت كورسەتەتىن كوپ­سا­لالى مەكەمە بولادى. مۇندا جالپى جانە اكۋشەرلىك-گينەكو­لوگيالىق تىركەۋ, پەدياتريا, ما­مانداندىرىلعان, شۇعىل مەديتسي­نالىق كومەك, پروفيلاكتيكا, مەك­تەپ مەديتسيناسى بولىمدەرى قاراس­تىرىلىپ وتىر.

جالپى, سىر وڭىرىندە دەنساۋلىق ساقتاۋ ينفراقۇرىلىمىن جەتىلدىرۋ جۇيەلى تۇردە جالعاسىپ كەلەدى. وسى باعىتتاعى ناقتى كورسەتكىشتەرگە توقتالساق, 2022–2025 جىلدارى سالاعا 50 ملرد 100 ملن تەڭگە قارجى ءبولىنىپ, 26 ملرد 400 ملن تەڭگەگە 40 نىسان سالىنىپ, پايدالانۋعا بەرىلگەن. «اۋىلدا دەنساۋلىق ساقتاۋدى جاڭعىرتۋ» ۇلتتىق جوباسى اياسىندا 10 ملرد 700 ملن تەڭگەگە سالىنعان 28 نىسان حالىق يگىلىگىنە قىزمەت ەتىپ كەلەدى. كەيىنگى جىلدارى اۋىل تۇرعىندارىنا شۇعىل مەديتسينالىق كومەك كورسەتۋگە ارنالعان 6 جوبا ىسكە اسىرىلدى.

قىزىلوردا