ناحچىۆان اۋەجايىنىڭ اۋماعىندا يراندىق درون قۇلاعانى تۋرالى اقپارات تارادى. بۇل وقيعاعا قاتىستى كادرلاردى APA اگەنتتىگى Telegram ارناسىندا جاريالادى, دەپ حابارلايدى Egemen.kz.
درون ۇشۋ-قونۋ جولاعىنا جاقىن ماڭدا قۇلاعاننان كەيىن اۋەجاي اۋماعىندا ءورت شىققان. اۋەجاي ناحچىۆان اۆتونوميالىق رەسپۋبليكاسى اكىمشىلىك ورتالىعىندا ورنالاسقان جانە يران شەكاراسىنان شامامەن 30 شاقىرىم قاشىقتىقتا جاتىر.
الدىن الا مالىمەت بويىنشا, قۇلاعان اپپارات يراندىق ۇشقىشسىز ۇشۋ اپپاراتى بولۋى مۇمكىن. قازىرگى ۋاقىتتا ازەربايجان رەسمي ورگاندارى وقيعاعا قاتىستى تولىق تۇسىنىكتەمە بەرگەن جوق.
تۇركيا پرەزيدەنتى يران زىمىرانىنىڭ جويىلۋىنا قاتىستى پىكىر ءبىلدىردى
جەرگىلىكتى باق-تىڭ حابارلاۋىنشا, جارىلىستان كەيىن ءورت تۇتانعان ورىنعا ءورت ءسوندىرۋ جانە قۇتقارۋ قىزمەتتەرى جىبەرىلگەن. زارداپ شەككەندەر تۋرالى اقپارات جاريالانبادى. قۇزىرلى ورگاندار دروننىڭ ۇشۋ باعىتىن انىقتاپ, وقيعانى تەكسەرىپ جاتىر.
قاۋىپسىزدىك ماقساتىندا كەيبىر اۋە رەيستەرى كەشىكتىرىلىپ نەمەسە باسقا باعىتقا جىبەرىلۋى مۇمكىن ەكەنى ايتىلعانىمەن, اۋەجايدىڭ جۇمىسىنا قاتىستى رەسمي دەرەكتەر ازىرگە جاريالانبادى.
كاتاردىڭ قورعانىس مينيسترلىگى يراننىڭ ەكى ۇشاعىن جويدى