قازاقستاندا جەكە دەتەكتيۆتەردىڭ قىزمەتىن رەتتەيتىن جاڭا زاڭ جوباسى قاراستىرىلىپ جاتىر. ماجىلىس دەپۋتاتتارى جەكە دەتەكتيۆتىك قىزمەت تۋرالى زاڭ جوباسىن جۇمىسقا قابىلدادى. قۇجاتتا زاڭ تالاپتارىن بۇزعانى ءۇشىن جەكە ماماندارعا دا, بيزنەس سۋبەكتىلەرىنە دە ايىپپۇل سالۋ قاراستىرىلعان, دەپ حابارلايدى Egemen.kz.
زاڭ جوباسىن ازىرلەۋشىلەر قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنە 470-1-باپ – «دەتەكتيۆتىك قىزمەت سالاسىنداعى زاڭنامانى بۇزۋ» دەگەن جاڭا نورمانى ەنگىزۋدى ۇسىنىپ وتىر.
بۇل باپ بويىنشا كەلەسى جاعدايلار زاڭبۇزۋشىلىق رەتىندە قاراستىرىلادى:
زاڭ تالاپتارىنا سايكەس كەلمەيتىن ادامعا دەتەكتيۆتىك قىزمەتكە ليتسەنزيا بەرۋ;
بەلگىلەنگەن تالاپتارعا ساي كەلمەيتىن تۇلعانى جەكە دەتەكتيۆ قىزمەتىنە قابىلداۋ (مىسالى, 30 جاستان تومەن نەمەسە زاڭمەن ماسەلەسى بار ادامدار);
دەتەكتيۆتىڭ قىزمەت بارىسىندا ونىڭ مارتەبەسىن راستايتىن ارنايى قۇجاتىنىڭ بولماۋى.
شوتىنا 1 ملن تەڭگەدەن استام قاراجات تۇسەتىندەرگە ايىپپۇل سالىنا ما؟ ايىپپۇل مولشەرى قانشا؟ەگەر زاڭ قابىلدانسا, نەگىزگى زاڭبۇزۋشىلىقتار ءۇشىن ايىپپۇل كولەمى مىناداي بولۋى مۇمكىن:
جەكە تۇلعالارعا – 5 اەك (2026 جىلى 21 625 تەڭگە);
شاعىن بيزنەسكە – 40 اەك (173 000 تەڭگە);
ورتا بيزنەسكە – 80 اەك (346 000 تەڭگە);
ءىرى بيزنەسكە – 100 اەك (432 500 تەڭگە).
ال دايىندالىپ جاتقان نەمەسە جاسالعان قىلمىس تۋرالى اقپاراتتى جاسىرۋ (ەگەر ول قىلمىستىق جاۋاپكەرشىلىككە جاتپاسا) ءۇشىن ايىپپۇل كولەمى جوعارى بولادى:
جەكە تۇلعالارعا – 10 اەك (43 250 تەڭگە);
شاعىن بيزنەسكە – 60 اەك (259 500 تەڭگە);
ورتا بيزنەسكە – 100 اەك (432 500 تەڭگە);
ءىرى بيزنەسكە – 120 اەك (519 000 تەڭگە).
قايتالانعان قۇقىقبۇزۋشىلىقتار ءۇشىن ايىپپۇل كولەمى تاعى دا ۇلعايادى. مىسالى, ءىرى بيزنەس ءۇشىن 170 اەك-كە دەيىن جەتۋى مۇمكىن جانە قىزمەتىن توقتاتۋ شاراسى قولدانىلۋى ىقتيمال.
«اقىلدى» كامەرالار قۇرىعى: 12 ناۋرىزدان باستاپ ايىپپۇلدار اۆتوماتتى تۇردە جازىلادى
كىمدەر دەتەكتيۆ بولا الادى؟زاڭ جوباسىنا سايكەس, جەكە دەتەكتيۆ بولۋ ءۇشىن قازاقستان ازاماتى ارنايى ليتسەنزيا الۋى ءتيىس. دەتەكتيۆ قىزمەتىن جەكە جانە زاڭدى تۇلعالار پايدالانا الادى. سونىمەن قاتار دەتەكتيۆ پەن كليەنت اراسىندا مىندەتتى تۇردە كەلىسىمشارت جاسالۋى كەرەك.
جاڭا زاڭ جوباسى جەكە دەتەكتيۆتىك قىزمەتتى رەسمي تۇردە رەتتەۋگە باعىتتالعان. ول سالاداعى جۇمىستى اشىق ءارى زاڭدى ەتۋگە, سونداي-اق كليەنتتەردىڭ قۇقىقتارىن قورعاۋعا مۇمكىندىك بەرەدى. بۇدان بولەك, ناقتى تالاپتار مەن جاۋاپكەرشىلىك ەنگىزۋ ارقىلى زاڭسىز ارەكەتتەر مەن تەرىس پايدالانۋدىڭ الدىن الۋ كوزدەلىپ وتىر.
جامبىلدا وقۋشىلاردىڭ الىمجەتتىگى ءۇشىن اتا-اناعا ايىپپۇل سالىندى