ىشكى ىستەر مينيسترلىگىنىڭ كيبەرقىلمىسقا قارسى ءىس-قيمىل دەپارتامەنتى ينتەرنەتتە جاريالاناتىن حابارلاندىرۋلار ارقىلى ازاماتتاردى شەتەلدەگى «جالاقىسى جوعارى جۇمىسقا» تارتۋ دەرەكتەرى كوبەيگەنىن ايتىپ, مۇنداي ۇسىنىستاردىڭ قاۋىپتى بولۋى مۇمكىن ەكەنىن ەسكەرتتى, دەپ جازادى Egemen.kz.
الاياقتار الەۋمەتتىك جەلىلەردە, مەسسەندجەرلەر مەن ءتۇرلى حابارلاندىرۋ سايتتارىندا تابىسى جوعارى, جول اقىسى مەن جاتىن ورنى تەگىن, تاجىريبە مەن ءتىل ءبىلۋدى تالاپ ەتپەيتىن وڭاي جۇمىس ۇسىنامىز دەگەن ماتىندە حابارلاندىرۋ جاسايدى. مۇنداي حابارلاندىرۋلار كوبىنە Telegram-داعى ارنالار, WhatsApp توپتار مەن وزگە دە ونلاين الاڭداردا تاراتىلادى.
قازاقستاندىقتاردى شەتەلدە جۇمىسقا ورنالاستىراتىن اگەنتتىكتەردىڭ جۇمىسى باقىلانادى
ءىىم شەتەلگە بارعان ازاماتتار ءىس جۇزىندە مىناداي جاعدايلارعا تاپ بولىپ, قىسىم كورۋى ىقتيمال ەكەنىن حابارلادى:
جەكە كۋالىگى مەن وزگە دە قۇجاتتارىنىڭ قولدى بولۋى; ەركىن ءجۇرىپ-تۇرۋ مۇمكىندىگىنىڭ شەكتەلۋى; ينتەرنەت ارقىلى جاسالاتىن الاياقتىق سحەمالارعا كۇشتەپ تارتۋ; ۋادە ەتىلگەن جالاقىنىڭ بەرىلمەۋى; «بوساتۋ» نەمەسە ەلگە قايتارۋ ءۇشىن اقشا تالاپ ەتۋ; قىسىم كورسەتۋ, قورقىتۋ.مەملەكەت باسشىسى الاياقتىققا قارسى كۇرەستىڭ جاڭا تاسىلدەرىن ويلاستىرۋدى تاپسىردى
ۆەدومستۆو ساقتىق ءۇشىن ماڭىزدى ەسكەرىلۋى ءتيىس تالاپتاردى اتاپ ءوتتى:
شەتەلگە جۇمىسقا تەك رەسمي تىركەلگەن, ليتسەنزياسى بار اگەنتتىكتەر ارقىلى بارىڭىز; جۇمىس بەرۋشى تۋرالى مالىمەتتى جانە كەلىسىمشارت تالاپتارىن جان-جاقتى تەكسەرىڭىز; قۇجاتتارىڭىز بەن جەكە دەرەكتەرىڭىزدى بەيتانىس ادامدارعا سەنىپ تاپسىرماڭىز; ساپار باعىتى مەن باراتىن جەرىڭىز تۋرالى جاقىندارىڭىزعا الدىن الا حابار بەرىڭىز.ينتەرنەت-الاياقتىققا قارسى ناقتى ناتيجە: جەتىسۋدا 600 مىڭ تەڭگە قايتارىلدى
ەگەر كۇماندى ۇسىنىس الساڭىز نەمەسە الاياقتىق بەلگىلەرىن بايقاساڭىز, بىردەن قۇقىق قورعاۋ ورگاندارىنا جۇگىنگەن دۇرىس.