سولتۇستىك قازاقستان وبلىسىندا الەۋمەتتىك ماڭىزى بار ازىق-ت ۇلىك تاۋارلارىنىڭ باعاسىن باقىلاۋ شارالارى كۇشەيتىلدى. 2026 جىلدىڭ باسىنان بەرى وڭىردە 20-عا جۋىق كاسىپكەر شەكتى رۇقسات ەتىلگەن ساۋدا ۇستەمەاقىسىن اسىرعانى ءۇشىن اكىمشىلىك جاۋاپكەرشىلىككە تارتىلىپ, بيۋدجەتكە جالپى سوماسى 1,5 ميلليون تەڭگەدەن استام ايىپپۇل تولەگەن, دەپ حابارلايدى Egemen.kz.
اڭگىمە مەملەكەت ۇستەمەاقى كولەمىنە شەكتەۋ قويعان الەۋمەتتىك ماڭىزى بار ازىق-ت ۇلىك تاۋارلارىنىڭ ء(امات) تىزىمىنە ەنگىزىلگەن ونىمدەر تۋرالى بولىپ وتىر. تەكسەرۋ بارىسىندا كارتوپ, ءسابىز, كۇرىش, الما جانە باسقا دا نەگىزگى تۇتىنۋ تاۋارلارىنىڭ باعاسىن نەگىزسىز كوتەرۋ دەرەكتەرى انىقتالعان. كەيبىر ساۋدا نۇكتەلەرىندە ۇستەمەاقى مولشەرى بەلگىلەنگەن دەڭگەيدەن 50 پايىزدان اسىپ كەتكەن.
ۇكىمەتتە ءدارى-دارمەكتىڭ شەكتى باعاسىن قالىپتاستىرۋ ماسەلەسى قارالدى
باقىلاۋ شارالارى مەملەكەتتىك كىرىستەر دەپارتامەنتى ۇسىنعان ەلەكتروندىق شوت-فاكتۋرالار نەگىزىندە جۇرگىزىلگەن. ماماندار تاۋاردىڭ ساتىپ الۋ قۇنىن دۇكەندەردەگى سوڭعى ساتىلىم باعاسىمەن سالىستىرىپ, ناقتى قولدانىلعان ۇستەمەاقى كولەمىن انىقتاعان. مۇنداي ءتاسىل تەك قارجىلىق قۇجاتتارعا سۇيەنۋگە مۇمكىندىك بەرىپ, تەكسەرۋ بارىسىندا سۋبەكتيۆتىلىكتى بولدىرمايدى.
ۆەدومستۆو مالىمەتىنشە, باعا شەكتەۋلەرىنىڭ ساقتالۋى تۇراقتى باقىلاۋدا. مونيتورينگ ءىرى ساۋدا جەلىلەرىن دە, شاعىن دۇكەندەردى دە قامتيدى. زاڭبۇزۋشىلىق انىقتالعان جاعدايدا كاسىپكەرلەرگە ونى جويۋ تۋرالى نۇسقاما بەرىلىپ, اكىمشىلىك ايىپپۇل سالىنادى.
ماماندار الەۋمەتتىك ماڭىزى بار تاۋارلاردىڭ باعاسىن رەتتەۋ ەڭ الدىمەن حالىقتىڭ, اسىرەسە الەۋمەتتىك وسال توپتاردىڭ مۇددەسىن قورعاۋعا باعىتتالعانىن اتاپ وتەدى. نارىقتاعى قۇبىلمالىلىق پەن شىعىنداردىڭ ءوسۋى جاعدايىندا مەملەكەت ءبىرىنشى كەزەكتەگى ازىق-ت ۇلىك باعاسىنىڭ نەگىزسىز قىمباتتاۋىنا جول بەرمەۋگە كۇش سالادى.
اتىراۋدا ازىق-ت ۇلىك باعاسىن نەگىزسىز وسىرگەن كاسىپكەرلەر جاۋاپقا تارتىلدى