مەملەكەت باسشىسىنىڭ تاپسىرماسىنا سايكەس 2029 جىلعا دەيىن 10 مىڭ شاقىرىم جولعا ورتاشا جوندەۋ جۇرگىزىلەدى. بۇل تۋرالى بۇگىن ۇكىمەت وتىرىسىندا كولىك ءمينيسترى نۇرلان ساۋرانباەۆ مالىمدەدى, دەپ جازادى Egemen.kz.
ول بۇگىنگى تاڭدا 5 مىڭ شاقىرىم جولدى جوندەۋ جۇمىستارى اياقتالعانىن اتاپ ءوتتى. 2029 جىلعا دەيىن تاعى 5 مىڭ شاقىرىم جوندەلەدى, بۇل قويىلعان مىندەتتىڭ تولىق ورىندالۋىن قامتاماسىز ەتەدى.
2029 جىلعا دەيىن 11 مىڭ شاقىرىم تەمىرجول جاڭارتىلادى
«تاسجول جوبالارىن جۇزەگە اسىرۋ ءۇشىن ەلىمىزدە نەگىزگى قۇرىلىس ماتەريالى بار. بۇل قۇرىلىستى تولىق قامتاماسىز ەتۋگە جانە جۇمىس ساپاسىن ارتتىرۋعا مۇمكىندىك بەرەدى. ينەرتتى ماتەريالدار شەكتەۋلى وڭىرلەردە ءىرى ءوندىرىس ورىندارىنىڭ تەحنوگەندىك مينەرالدىق قالدىقتار (تمق) پايدالانىلادى», دەدى نۇرلان ساۋرانباەۆ.
استانا اۋەجايىنىڭ ۇشۋ-قونۋ جولاعى ۋاقىتشا جابىلادى
مينيستر الداعى ءۇش جىلدا سالادا جالپى ۇزىندىعى 3,25 مىڭ شاقىرىم, قارجىلاندىرۋ كولەمى 4,6 ترلن تەڭگەنى قۇرايتىن جوبالاردى جۇزەگە اسىرۋ جوسپارلانىپ وتىرعانىن ايتتى. ولاردى جۇزەگە اسىرۋ ترانزيتتىك الەۋەتتى ەداۋىر ارتتىرۋعا جانە تىكەلەي ەكونوميكالىق تيىمدىلىكتى قامتاماسىز ەتۋگە مۇمكىندىك بەرەدى.