استانا. 13 تامىز. بۇگىن فۋتبولدان قازاقستان پرەمەر-ليگاسىنىڭ ەكىنشى اينالىمى باستالدى. 23-تۋر شەڭبەرىندەگى العاشقى ويىندا «اقتوبە» مەن «استانا» كەزدەستى. اقتوبەدە بولعان ماتچتا ەلوردالىقتار 1:0 ەسەبىمەن جەڭىسكە جەتتى. بۇل تۋرالى egemen.kz حابارلادى.
ءبىرىنشى تايم تەڭ جاعدايدا ءوربىدى. قارسىلاستار نەگىزىنەن قارىمتا شابۋىلعا يەك ارتتى. ال ەكىنشى تايم وتكىر شابۋىلدارمەن ەستە قالدى. الايدا, ويىن بارىسىندا جانكۇيەرلەر تەك ءبىر عانا گولدىڭ كۋاسى بولدى. 81-مينۋتتا «استانا» ويىنشىسى روحەر كانياس مەرگەندىگىمەن كوزگە ءتۇسىپ, كومانداسىنا جەڭىس سىيلادى.
وسى جەڭىستەن كەيىن ستانيمير ستويلوۆتىڭ شاكىرتتەرى تۋرنير كەستەسىندە 25 ۇپايمەن جەكە دارا كوش باستادى. 23-تۋردىڭ قالعان ويىندارى 14, 15 جانە 16 تامىز كۇندەرى وينالادى.
14 تامىز
«ورداباسى» (شىمكەنت) – «قايرات» (الماتى)
15 تامىز
«ەرتىس» (پاۆلودار) – «اتىراۋ» (اتىراۋ)
«شاحتەر» (قاراعاندى) – «وقجەتپەس» (كوكشەتاۋ)
«قايسار» (قىزىلوردا) – «تاراز» (تاراز)
16 تامىز
«توبىل» (قوستاناي) – «جەتىسۋ» (تالدىقورعان).
ەلامان قوڭىر.
دەرەك: egemen.kz.
سۋرەت: vk.com.