قاراعاندى. 13 تامىز. قاراعاندىدا تاپانشامەن قارۋلانعان ەر ادام جانار-جاعار ماي ستانساسىنا قاراقشىلىق شابۋىل جاساعان. بۇل تۋرالى وبلىستىق ىشكى ىستەر دەپاتامەنتىنىڭ ءباسپاسوز قىزمەتى حابارلادى.
قاراقشىلىق شابۋىل تۋرالى پوليتسيا بولىمىنە جانار-جاعار ماي بەكەتىنىڭ ساتۋشىسى حابارلاعان. ونىڭ ايتۋى بويىنشا, 25-30 جاس شاماسىنداعى بەلگىسىز بىرەۋ تاپانشامەن قورقىتىپ, قولىنا تۇسكەن م ۇلىكتى الىپ, «ۆاز-2005» اۆتوكولىگىمەن وقيعا بولعان جەردەن ءىزىن سۋىتقان.
كوپ ۇزاماي پوليتسيا قىزمەتكەرلەرى كۇدىكتىنى قولعا ءتۇسىردى. ونىڭ اۆتوكولىگىنىڭ ىشىنەن «وسا» جاراقاتتاندىرعىش تاپانشاسى ءۇش وعىمەن جانە قولدى بولعان زاتتار تابىلدى.
ءوزىنىڭ ايىبىن مويىنداعان كۇدىكتى قازىرگى ۋاقىتتا ۋاقىتشا ۇستاۋ يزولياتورىندا وتىر. قىلمىستىق كودەكسىنىڭ 192-بابىنىڭ 1-تارماعى بويىنشا («توناۋ») سوتقا دەيىنگى تەرگەۋ امالدارى جۇرگىزىلىپ جاتىر.
قايرات ءابىلدينوۆ.
دەرەك: قاراعاندى وبلىستىق ىشكى ىستەر دەپاتامەنتىنىڭ ءباسپاسوز قىزمەتى.
سۋرەت: tengrinews.kz.