استانا. 13 تامىز. ەلباسى قىتاي حالىق رەسپۋبليكاسىنىڭ توراعاسى سي تسزينپينگە تيانتسزين قالاسىنداعى حيميا زاۋىتىندا بولعان جارىلىسقا بايلانىستى كوڭىل ايتۋ جەدەلحاتىن جولدادى. بۇل تۋرالى akorda.kz حابارلادى.
جەدەلحاتتا حيميا زاۋىتىنداعى جارىلىس سالدارىنان كوپتەگەن ادامنىڭ قازا تاپقانى جانە زارداپ شەككەنى تۋرالى حاباردى مەملەكەت باسشىسىنىڭ زور كۇيزەلىسپەن قابىلداعانى اتاپ وتىلگەن.
نۇرسۇلتان نازارباەۆ ورنى تولماس قايعىعا ورتاقتاسا وتىرىپ, جەكە ءوزىنىڭ جانە بارشا قازاقستان حالقىنىڭ اتىنان قحر توراعاسىنا, سونداي-اق قازا بولعانداردىڭ تۋعان-تۋىستارىنا كوڭىل ايتتى.
سوڭىندا قازاقستان پرەزيدەنتى زارداپ شەككەندەردىڭ تەزىرەك ساۋىعىپ كەتۋىنە تىلەكتەستىك ءبىلدىردى.
ايدار ورىسباەۆ.
دەرەك, سۋرەت: akorda.kz.